Гуцевичит

Гуцевичит (Қазақстандық геолог В.П. Гуцевичтің құрметіне аталған) – ванадаттар класына жататын минерал. 1959 ж. солтүстік-батыс Қаратаудағы Қорамсақ және Ран кен орнынан табылған. Химиялық формуласы: (Al, Fe)7. [OH]6[V5 P]) O4]·nH2O. Құрамы (%): Al2O3 26,67 – 29,04; Fe2O3 1,17 – 5,33; V2O4 2,57 – 5,33; V2O5 13,10 – 16,37; P2O5 12,06 – 19,73; H2O 12,81 – 27,02; H2O 6,23 – 16,91. Күңгірт және ақшыл түстілері Гуцевичиттің изоморфты түрлері; бұл изоморфты түрлерде катион тобында алюминий орнын темір ионы (Ғе3+), ал анион тобында VО43- орнын РО43- анионы басады. Алюминий көп Гуцевичиттің түсі көк, темірі көбінің түсі қызғылт қоңыр болып келеді. Жылтырлығы балауыз тәрізді күңгірт,шыны тәрізді шытынап сынады. Қаттылығы Моос шкаласы бойынша 2,5, тығызд. 1900 – 1930 кг/м3. Қыздырғанда эндотермалық әсер 190 және 820 – 840°С-та, экзотермалық әсер 520 – 560°С-та білінеді. Тотығу белдемінде түзіледі және хьюэттит, ваналит, алсивафосфит минералдарымен аралас кездеседі.