Гүлмира Серікқызы Әбдірайымова
Гүлмира Серікқызы Әбдірайымова (1972 жылы туған) - қазақстандық белгілі әлеуметтанушы, әлеуметтану ғылымдарының докторы, профессор, бірнеше ғылыми еңбектердің авторы. Әл-Фараби атындағы Қазақ Ұлттық университетінің "Әлеуметтану және әлеуметтік жұмыс" кафедрасының меңгерушісі (2008 жылдан бастап), сондай-ақ Социологиялық зерттеулер және әлеуметтік инжиниринг орталығының директоры.[1]
Өмірбаяны
[өңдеу | қайнарын өңдеу]1996 жылы, Әл-Фараби атындағы ҚазҰУ-дің философия жөне саясаттану факультетінің әлеуметтану бөлімін бітіргеннен кейін әлеуметтану кафедрасында қалып, оқытушы, аға оқытушы, доцент, профессор қызметтерінде жұмыс атқаруда.
1999 жылы, Әл-Фараби атындағы ҚазҰУ-дың Философия және саясаттану факультетінің әлеуметтану кафедрасының жанындағы аспирантураны бітіріп, "Студенттік жастар әлеуметтік топ ретіңде" атты тақырыпта әлеуметтану мамандығы бойынша кандидаттық диссертация қорғады.
2006 жылы Әл-Фараби атындағы ҚазҰУ-дың Философия және саясаттану факультетінің әлеуметтану кафедрасының жанындағы докторантураны аяқтап, "Қазіргі қазақстандық қоғамдағы жастардың құңдылықтық бағдарлар жүйесі: әлеуметтанулық талдау" атты тақырыпта докторлық диссертация қорғады. Қазіргі қазақ жастарының құндылықтық бағдарларын концептуалдық және жүйелі зерттеумен айналысады. Оның еңбектері ұрпақтардың құндылық бағдарларын салыстырмалы зерттеуге, ұрпақтар қарым-қатынасына, ұрпақтар сабақтастықтарына, жастардың қазіргі қоғамдағы әлеуметтену мәселелерін әлеуметтанулық талдауға, қоғамның заманауи мәселелерін зерттеуге арналған. Гүлмира Серікқызы қазіргі уақытта социология саласы бойынша бірнеше PhD докторанттарына ғылыми жетекшілік етуде. Гүлмира Серікқызы 100-ден астам ғылыми еңбектердің авторы.[2]
Ғылыми және ұйымдастырушылық қызметі
[өңдеу | қайнарын өңдеу]• ҚР Тұңғыш Президенті Қоры жанындағы жас ғалымдар кеңесінің төрайымы (2006 жылдан бастап)
• ҚР Президенті жанындағы жастар саясаты кеңесінің мүшесі
• Қазақстан Әлеуметтанушылары Қауымдастығының ғылыми хатшысы
• Әл-Фараби атындағы Қазақ Ұлттық университетінің әлеуметтану мамандығы бойынша диссертациялық кеңестің ғылыми хатшысы (2005-2007)
• «ӘЛЕУМЕТТАНУ-SOCIOLOGY» ғылыми-аналитикалық журналының редакторлар алқасының мүшесі
Ғылыми еңбектері
[өңдеу | қайнарын өңдеу]• "Студенттік жастар әлеуметтік топ ретінде" (Әл-Фараби атындағы ҚазҰУ, 1999 ж.)
• Қазіргі жастардың құндылықтық бағдарлары (социологиялық анализ). Монография: ғылыми басылым. – Алматы, 2005. –302б
• "Қазіргі қазақстандық қоғамдағы жастардың құндылықтық бағдарларының жүйесі: әлеуметтанулық талдау" (Л.Н. Гумилев атындағы ЕҰУ, 2006 ж.)
• Әлеуметтану. Оқулық - 1 кітап. – Алматы, 2005. – 268 с. Жалпы ред.басқ. М.М. Тажин (М.С. Аженов, К.Ү. Биекеновпен бірге)
• Әлеуметтану. Оқулық - 2 кітап. – Алматы, 2005. – 268 с. Жалпы ред.басқ. М.М. Тажин (М.С. Аженов, К.Ү. Биекеновпен бірге)
• Жастар социологиясы. Оқу құралы. –Алматы: «Жібек жолы», 2008. – 256с.
• Социологиядағы аксиологиялық проблематика зерттеудің теориялық аспектілері. Оқу құралы. –Алматы: «Жібек жолы», 2008. – 144с.
• Студент жастардың өзекті мәселелерін зерттеу және оның шешу жолдары (социологиялық зерттеулердің нәтижесі бойынша). Методикалық ұсыныстар. – Алматы, 2009. -62б. (З.К. Шаукенова, Ю.В. Кучинскаямен бірге)
• Қазақстанның ЕҚЫҰ төрағалығы: жастар көзімен. Ғылыми басылым. – Алматы, 2010. -76б. (Б.Г. Мухамеджанов, С.С. Серикжановамен бірге)
• Социологиялық жылнама. Монография. – Алматы, 2011. -115б. (А.В. Веревкин, Г.А. Кенжакимовамен бірге)
• Қазақстандағы жоғары білім: әлеуметтік тәжірибелер, субъектілер және қызығушылықтар. Монография. – Алматы, 2011. – 140б. (Б.Г. Мухамеджановпен бірге)
Ғылыми жетістіктері мен марапаттары
[өңдеу | қайнарын өңдеу]• Қазақстан Әлеуметтанушылар Ассоциациясының жас ғалымдарға арналған сыйлығының лауреаты (2003 ж.)
• ҚР Білім және ғылым министрлігінің гуманитарлық сала бойынша М.Әуезов атындағы "Үздік жұмыс" сыйлығының иегері (2006 ж.)
• Білім және ғылым министрлігінің "ЖОО ең үздік мұғалім - 2007" мемлекеттік грантының иегері
• Әл-Фараби атындағы ҚазҰУ-дың "Ең үздік жас ғалым - 2008" дипломының иегері
•"Әл-Фараби атындағы ҚазҰУ-дың ең талантты жас ғалымы-2008" конкурсының лауреаты
• «Әль-Фараби атындағы ҚазҰУ 75 жыл» құрмет белгісімен марапатталған
• ҚР Бірінші Президент Қорының гуманитарлық ғылымдар саласы бойынша берілген сыйлықтың лауреаты (2009 ж.)
• Қазақстанның ең дарынды ғалымдарына арналған мемлекеттік стипендиясының стипендиаты (2010-2012 ж.ж.)
• ҚР білім саласының құрметті қызметкері (2011 ж.)
Отбасы
[өңдеу | қайнарын өңдеу]• Әкесі - Серік Әбдірайымұлы, анасы - Бөпетаева Шарбан Жақыпқызы, зейнеткер. Тұрмыста. Бір ұл, бір қыз тәрбиелеуде.
Дереккөздер
[өңдеу | қайнарын өңдеу]- ↑ Кто есть кто в казахстанской социологии. Алматы, 2011
- ↑ Биекенов К., Садырова М. Әлеуметтанудың түсіндірме сөздігі. — Алматы: Сөздік-Словарь, 2007. — 344 бет. ISBN 9965-822-10-7