Гүлсін Онай

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Гүлсін Онай (қыркүйектің 12, 1954, Ыстамбұл)— Түркия Республикасының халық артисі, пианист.

Президенттік симфония оркестрінің солисі, Билькент университеті артисі.

3,5 жастан бастап музыкамен шұғылдана бастаған Гүлсін Онай 6 жаста алғашқы концертін фортепианомен Түрік радио және теледидар қоғамының Ыстамбұл радиосында берді. 12 жасынан бастап оқуын Францияда жалғастырған ол 16 жасында Париж консерваториясының жоғарғы бөлімін фортепиано бойынша алған алғашқы жүлдесімен бітіріп шыққан болатын. Маргарита Лонг, Жак Тибо (Париж) және Ферручио Бускони (Бользано) атындағы және тағы басқа да көптеген халықаралық байқауларда жүлдегер атанған Г. Онайдың 20-ға жуық альбомы жарық көрді. 1987 жылы «Мемлекеттік өнер адамы» атағын, 1988 жылы Богазичи университетінің, 2007 жылы Хаджеттепе университетінің құрметті докторы атақтарын алды. Түркияда және шетелдерде көптеген қайырымдылық концерттерін бергені үшін 2003 жылы ЮНИСЕФ-тің Түркиядағы ұлттық комитеті тарапынан «Ерікті ізгі ниет елшісі» атанды. 2007 жылы «Севда-Дженап және музыка» қорының алтын белгісімен, ал биыл классикалық музыка саласында «Ең үздік пианист» ретінде Доницетти атындағы сыйлықпен марапатталды. Оның Майамидегі фортепиано фестиваліндегі жеке концертін американдық VAI фирмасы "Gülsin Onay Live in Recital" деген атпен биыл ақпанда, ал Григ және Сен-Санс концерттерін 2009 жылдың наурыз айында "Gülsin Onay in Concert" деген атпен жарыққа шығарды.