Дахла қаласы

Дахла қаласы (Египет) – Египеттегі оазис және Жаңа Алқап губернаторлығының аудан орталығы .

Фарафра және Харга оазистерінің арасында орналасқан. Оазисте 17 ауыл бар, тұрғындарының жалпы саны 70 000 адам. Негізгі тұрғын аудандардың біріне оазистің Орталығы – Мут жатады. Ол Фиван үштігіндегі әйел құдайдың құрметіне аталған. Этнографиялық музейі бар. Халық саны 20 439 адам (2006 жылғы халық санағы бойынша). Екінші аудан – Эль-Каср – Ортағасырда саздан тұрғызылған қала. Ауыл өнеркәсібінің орталығы болып табылады. Үшінші ауданға Каламун елді мекені жатады. Оазис батыстан шығысқа қарай 80 км, ал солтүстіктен оңтүстікке 25 км-ге созылып жатыр. Перғауындар мен оазис билеушілерінің арасындағы алғашқы байланыс біздің заманымызға дейінгі 2550 жылдар шамасында орнаған болатын. 1819 жылы Арчибальд Эдмонстоун алғашқы европалық саяхатшы болып Дахлаға кеген. Кейінірек басқа саяхатшылар да келеді, бірақ 1908 жылы Герберт Уинлок алғашқы болып қаланың ерекшеліктері мен тарихи маңызды жерлері жайында жазылған жүйелі жазбалар қалдырған.