Джанлуиджи Буффон
Үлгі:Infobox Football biography 2
Джанлуиджи Буффон (1978 жылы 28 қаңтарда Италияның Каррара деген жерінде туған) - Италия құрамасы мен туриндік «Ювентус» футболшысы.
Мазмұны |
[өңдеу] Қысқаша өмірбаяны
Буффон А Сериясында алғашқы ойнын 17 жасында «Парма» сапында 1995 жылы «Миланға» қарсы өткізеді. «Пармадағы» шағында ол үшін ең жарқын 1998/99 маусымын есептеуге болады. Сол уақытта Джиджи командасына Италия Кубогы, ұлттық Суперкубок пен УЕФА Кубогы бағынады. Осы командада намысын 168 рет қорғап, 2001 жылы туриндік «Ювентуске» ауысады. Қақпашылар үшін рекордтық 52 млн. еуроны құраған бұл трансфер дүниені дүр сілкіндірген еді. Өзінің «Делле Альпидегі» тұңғыш маусымында «Ювентус» чемпион атанып, Буффон 34 кездесуде 23 қана гол жіберіп, Италия біріншілігіндегі үздік көрсеткішке қол жеткізді. Келесі маусымда «Юве» кезекті «скудеттосын» ұтып, Чемпиондар Лигасының финалында туриндіктерге тек «ескі достары» - «Милан» ғана шешуші бөгет болады.
[өңдеу] 2006 жыл - жеңістер мен қиындықтар жылы
2005 жылдың тамызында дәл сол «Миланмен» болған кездесуде Какамен соқтысудан соң, Буффон иығынан жарақаттанады. Күрделі операциядан кейін ойынға оралған Джанлуиджи екі ойын өткізіп, қайтадан жарақатқа душар болады да, тек маусымның аяғына таман негізгі құрамға оралады. 2006 жылы итальяндық футболда келісілген ойындарға байланысты ірі дау көтерілген болатын. Соған орай Буффон бұл істерде қатысы бар адам ретінде саналған еді. Сол себепті оның Әлем чемпионатына бармау қаупі пайда болды. Бірақ, олар расталмай, Джиджи Германияда «скуадра адзурра» сапында әлем чемпионы атанады. 27 маусымда сот ойыншыдан барлық кінәларды алып, Буффонды ақтап шығарды. Алайда 2006 жылғы ыстық жаз кезіндегі «Ювентус» және басқа қатысушылары бар дау туриндіктер үшін із-түзсіз кетпеді. Екі бірдей «скудеттосынан» айырылғаннан кейін олар В Сериясына қуылады. Клуб ойыншылардың төменгі дивизионда ойнайтыны яки ойнамайтыны жайындағы өсек-аяндар тарала бастады. Бірақ, Джанлуиджи «қарт синьораға» адалдығын танытып, командаға элитаға қайтып келуіне көмектеседі. Оның «Ювемен» жаңа келісім-шарты 2012 жылға дейін жалғасатынын есептесек, туриндіктерге өз қақпаларының қауіпсіздігі жайында уайымдамауға болады.
[өңдеу] Пальюка мен Тольдоның көлеңкесінде
Буффонның Италия құрамасындағы мансабы 1998 жылғы Франциядағы Әлем чемпионатына іріктеу кезеңінен бастау алады. 1997 жылы Ресеймен өткен плей-офф кездесуінде «скуадра адзурра» сапында тұңғыш шыққан ол келесі жылы құрамасымен бірге Францияға аттанады. Бірақ, ардагер Джанлука Пальюка қорғаған итальяндықтар қақпасында оған орын табылмады. Келесі ірі турнир – Еуро-2000 додасына дейін ол апенниндіктердің №1 қақпашы орнында беки түседі. Алайда, өкінішке орай жарақат алауына байланысты Голландия мен Бельгияға бармайды. Ол жерде тағы бір шебер қақпашы Франческо Тольдоның бағы жанып, ол турнирдің жартылай финалында аңызға айналған «пенальти шоуда» итальяндықтарды жалғыз өзі финалға жетелейді.
[өңдеу] «Скуадра адзуррадағы» №1
Барлық итальяндықтардың сүйіспеншілігіне ие болған қақпашыны ауыстыру Буффон үшін психологиялық тұрғыда оңай болмауы керек. Бірақ, емделіп болған соң, Джиджи №1 постын қайтарып алды.
[өңдеу] «Қақпашы - жарым команда»
Буффон хақында сөйлегенде оның өнерін бір сөзбен жеткізу мүмкін емес. Бұл жерде оның 100%-дық голдық сәттерде өз иелігін аман қалдыратын қасиеті бірден еске түседі. Ендеше, Әлемнің үздік қақпашыларының бірі, әйгілі Дино Дзофф ізбасары – Джанлуиджи Буффонға байланысты «қақпашы – жарым команда»,- деген сөз дәл келеді.
