Довга

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Довга (азербайжан тағамы). Пияз қоcылған қойдың сұрпы етін ет тартқыштан өткізеді де, бұрыштап, тұздап, жақсылап араластырып, тартылған етті шағындау етіп домалақтайды. Бұршақты салқын суға 3—4 сағаттай жібітіп қойып шалалау пісіріп, қауызынан тазартады. Осымен бір мезетте күріш пісіреді. Айранды ұнға араластырып, іртіктеліп қалмас үшін ұдайы бұлғай отырып, қайната береді.Оған домалақтаған ет, бұрыш, күріш, ұсақтап туралған көкөніс (қымыздық, саумалдық, кинза, аскөк) қосып, дайын болғанша тағы да қайнатады. Дастарқанға негізінен салқын күйінде береді. 400 г қой етіне: 5 стакан айран, жарты стакан бұршақ, жарты стакан күріш, І ас қасық бидай ұны, жарты стакан пияз, тұз, қымыздық, кинза, аскөк, ұнтақ қызыл бұрыш — татымына қарай.[1]

Дереккөздер[өңдеу]

  1. Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9