Дресс-код

Қазақша дресс-код атаулары

Дресс-код (ағылш. dress code — киім кодексі) — белгілі бір іс-шараларға қатысқанда, ұйымдарға немесе мекемелерге барғанда талап етілетін киім-киіс формасы. Жиі жазылмаған ереже ретінде қабылданады.

Көбінесе, офис қызметкерлеріне деген киім стилі реттеледі. Әсіресе корпоративтік дресс-кодты банк және ресторандарда байқауға болады.

Кодтар

• Formal (Full formal, Full dress, Formal attire) — әйелдерге бал көйлегі, ерлерге күндіз Morning dress — ашық фрак немесе ашық кеудешелі және галстукты костюм, кешке White tie— ақ көбелекті қара фрак.

• Semi-formal (Smoking, Le Smoking) — әйелдерге коктейльдік көйлек (көбінесе күндіз) және кешкі көйлек (көбінесе кешкі), ерлерге алабарқын көбелекті смокинг.
• Informal (Cocktail (old-style) or Business attire) — іскерлік костюм.
• Smart casual (Business casual (old-style), Cocktail (new style), Executive Casual, Corporate Casual) — әйелдерге слакс, джинс немесе нымшалы белдемше немесе водолазка. Сонымен қатар, жалпы стильге байланысты сәнді белбеу, пиджак, күртеше немесе свитерге жол беріледі, бәтеңке мен туфли. Сырғаға жол беріледі. Басқа әшекейлер костюммен үйлесуі керек. Ерлерге шалбар, (кейде джинс) және ұзын жеңді жейде (галстуксыз да болады), мокасин секілді бос туфли, белбеу міндетті. Спорттық күртеше күюге де болады.
• Business casual (Dressy, Resort Casual, Country Club, Casual chic, Semi-casual, Neat casual) — әйелдерге капри, ұзындау шолақ шалбар немесе поломен маталы шалбар; ерлерге жейде немесе поло және белбеулі шалбар және туфли.