Дэвид Гэан

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Дэйв Гэан.

Дэвид Гэан (ағылшынша David Gahan) - ағылшын музыканты. 1962 жылы Англияның Эппингінде дүниеге келген. Depeche Mode тобының құрылғанынан (1980 жыл.) бастап, мүшесі.

Дэвид немесе Дэйв Depeche Mode тобында негізгі вокалист әрі фронтмені рөлін атқарады. Оған қоса, 2005 жылдан бастап, топтың бірқатар әндерінің авторы. Олардың қатарында: Playing the Angel (2005) күйтабағында – Suffer Well, I Want It All, Nothing’s Impossible мен Sound of the Universe (2009) – Come Back, Hole To Feed, Miles Away/The Truth Is.

Гитара, пианино мен саз сырнайда ойнай алады.

Depeche Mode-тағы шығармашылығынан бөлек, жеке музыкалық мансабымен де айналысады. Мәселен, Дэйв Гэан 2003 жылы Paper Monsters күйтабағын шығарса, 2007 жылы жеке Hourglass альбомын жазды.

Жеке өмірі[өңдеу]

сахнада төрінде – Дэйв Гэан.

Дэйв 1997 жылдан Нью-Йоркте тұрады. Қазіргі кезде ол үшінші зайыбы Дженнифермен тұрады. Жұбайлардың ортақ некеден қызы Стелла мен Дженнифердің бұрынғы некесінен Джимми дейтін ұл балалары бар. Олардан бөлек, Гэанның бұрынғы некеден Джек деген ұлы бар. Дэйвтің қазіргі жарын «Suffer Well» әніне түсірілген бейнеклиптен көруге болады. Онда ол періште және дәл өзін сомдайды.

Гэан – дертінен сауыққан бұрынғы нашақор. Өз өмірінде төрт мәрте о дүниелік болып кете жаздаған оған медицина қызметкерлері «Мысық» деген лақап ат таққан. 1996 жылы мамырда ауыр психикалық күйге шалдыққан Гэан Лос-Анджелестегі қонақ үйлердің бірінде шектен тыс есірткі қолданғанынан соң, жүрегі сыр береді. Дәрігерлердің күшімен екі минуттан соң есін жиған Дэйв «Өмірімде кездеспеген жерге барып, қара түнекке түскенім есімде. Не болғанмен, осыған дейін істеген ісім, тіршілігімнің үлкен қателік болғанын ұғындым», - деді.