Дәуір баспасы
"Дәуір" баспасы- Қазақстандағы ірі полиграфиялық кәсіпорын. Алматы қаласында орналасқан. Газет-журнал, кітап, т.б. баспа өнімдерін көп данамен басып шығаруға маманданған. 1918 ж. қалалық "Заря свободы" газетінің тұңғыш саны жарық көрген шағын баспахана негізінде 1932 ж. құрылған. Ұзақ жылдар бойы Қазақстан КП ОК-нің газет-журнал баспаханасы аталып, республикалық газет-журналдарды басып шығаратын негізгі өндірістік база міндетін атқарды. 1991 жылдан "Дәуір" республикалық газет-журнал баспасы аталды. Баспа 2000 ж. "Дәуір" жабық акционерлік коғамға айналды. "Дәуір" 4 тілде - қазақша, орысша, ағылшынша және түрікше шығатын 44 газет пен 22 журнал редакцияларына қызмет көрсетеді. Мұнда мерзімді басылымдармен қатар қалың мұқабалы кітаптар, түрлі түсті басылымдар, мектепке арналған өнімдер, көрнекілік құралдары басылады. 1998 ж. Парижде өткен көрмеде үздік өндірістік-технологиялық көрсеткіштері үшін "Дәуір" халықаралық "Алтын жұлдыз" белгісімен марапатталды.[1]
Дереккөздер[өңдеу | қайнарын өңдеу]
- ↑ “ Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|