Ертіс жазығы

Уикипедия — ашық энциклопедиясынан алынған мәлімет
Навигацияға өту Іздеуге өту

Ертіс жазығы
Сипаттамасы
Солтүстіктен оңтүстікке дейінгі қашықтық~ 80-250 км
Батыстан шығысқа дейінгі қашықтық~ 550-600 км
ӨзендерӨлеңті, Сілеті, Шідерті өзені
КөлдерТобылжан, Қалқаман, Теке, Үлкен Қараой, Кіші Қараой, Қызылқақ
Орналасуы
54°07′19″ с. е. 75°41′24″ ш. б. / 54.121866° с. е. 75.689958° ш. б. / 54.121866; 75.689958 (G) (O) (Я)Координаттар: 54°07′19″ с. е. 75°41′24″ ш. б. / 54.121866° с. е. 75.689958° ш. б. / 54.121866; 75.689958 (G) (O) (Я) (T)
Елдер Қазақстан
 Ресей
АймақтарАбай облысы, Павлодар облысы, Омбы облысы, Түмен облысы
Ертіс жазығы (Қазақстан)
Ертіс жазығы
Ертіс жазығы (Ресей)
Ертіс жазығы

Ертіс жазығы Ертіс өзенінің екі жағын және Батыс Сібір ойпатының оңтүстік-шығыс бөлігін алып жатқан жазық.

Географиялық орны[өңдеу | қайнарын өңдеу]

Қазақстанның Абай, Павлодар облыстары және Ресейдің Омбы, Түмен облыстары аумағын қамтиды.

Жер бедері[өңдеу | қайнарын өңдеу]

Оңтүстік-шығыстан солтүстік-батысқа қарай 550-600 км-ге созылып жатыр. Ені 80 км-ден 250 км-ге дейін кеңейеді. Шығысында Барабы жазығы және Құлынды далаларымен, оңтүстік-батысында Сарыарқамен, батысында Солтүстік Қазақстан жазығымен ұласады. Жер беті оңтүстік-шығыстан солтүстік-батысқа қарай біртіндеп еңістене отырып, 200 м-ден 100 м-ге дейін төмендейді.

Геологиялық құрамы[өңдеу | қайнарын өңдеу]

Жазық палеозойлық іргетасты жауып жатқан мезозой мен палеогеннің құмды-сазды және көлді-аллювийлі шөгінділерінен тұрады. Жазықты Ертіс аңғары екіге бөледі. Соған байланысты оның сол жағалауы Ертіс бойы деп, оң жағалауы Ертіс сырты деп аталады.

Су торабы[өңдеу | қайнарын өңдеу]

Ертіс жазығында өзен торы сирек. Ертіс алабындағы кішігірім өзендер (Шідерті, Өлеңті және Сілеті) көлдерге құяды. Көлдердің көбі тұзды және кермек татиды. Тұз байланатын ірі көлдері – Тобылжан, Қалқаман, Теке, Үлкен Қараой, Кіші Қараой, Қызылқақ, т.б.. Маралды көлінің суы шипалы.

Климаты[өңдеу | қайнарын өңдеу]

Жазықтың климаты тым континенттік. Қысы суық, ызғарлы және ұзақ. Қаңтардағы орташа ауа температурасы –17 – 20°С, кейде – 48 – 53°С-қа дейін төмендейді. Қар жамылғысының қалыңдығы 30-35 см. Жазы қоңыржай жылы. Шілдеде ауаның орташа температурасы 19-22°С. Жылдық жауын-шашынның орташа мөлшері оңтүстіктен солтүстікке қарай 200 мм-ден 350 мм-ге дейін көбейеді.

Өсімдіктері[өңдеу | қайнарын өңдеу]

Ертіс жазығының солтүстік және орталық бөліктері астық тұқымдас әр түрлі шөп аралас қау, селеу және бетеге өскен қара топырақты, оңтүстік-шығыс бөлігі селеулі-бетегелі қызғылт қоңыр топырақты. Өзен бойында қарағайлы ормандар, ойпаң жерлерде батпақты шалғындар, тұзды көлдер, жағалауларында алабота, сораң шөптер тараған.

Жануарлары[өңдеу | қайнарын өңдеу]

Жануарлардан қасқыр, түлкі, қоян, сарышұнақ, суыр, қосаяқ, елік; құстардан қаз, үйрек, аққу, тырна, қызғыш, шағала; орманды жерлерде бүркіт, кезқұйрық, күйкентай және т.б. мекендейді. Ертіс жазығын астық, көкөніс, көп жылдық мал азықтық шөптер және мал өсіруге пайдаланылады. Алқабында Павлодар облысының көптеген қалалары, кенттері мен ауылдық елді мекендері орналасқан.[1][2]

Дереккөздер[өңдеу | қайнарын өңдеу]

  1. Қазақ энциклопедиясы III том 12 тарау
  2. АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5