Есік

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Қала
Есік
Сурет:Есік
Есік көлі
Таңбасы
Таңбасы
Ел Қазақстан
Облысы Алматы облысы
Координатасы Координаттар: 43°21′00″ с. е. 77°27′00″ ш. б. / 43.35° с. е. 77.45° ш. б. (G) (O) (Я)43°21′00″ с. е. 77°27′00″ ш. б. / 43.35° с. е. 77.45° ш. б. (G) (O) (Я)
Бұрынғы атауы Иссык
Ресми тілі қазақ тілі
Тұрғыны 35 439[1] адам (2010)
Уақыт белдеуі UTC+6
Телефон коды +7 72775
Автомобиль коды 02
Есік (Қазақстан)
Locator Dot2.gif

ЕсікАлматы облысындағы Еңбекшіқазақ ауданының орталығы, қала. Облыс орталығы — Алматы қаласынан шығысқа қарай 43 км жерде, Іле Алатауының солтүстік баурайында, теңіз деңгейінен 935 — 1040 м биіктікте, Есік өзенінің ысырынды конусында орналасқан. Тұрғыны 31,2 мың адам (1999). Есік қаласының орнын адамдар өте ертеден мекендеген. Қаланың солтүстік жағында сақ мәдениетінің б.з.б. 5 — 4 ғасырлардағы аса көрнекті ескерткіші — Есік обасы орналасқан. 1854 жылы бұл көне қоныс орнында Надеждинская станицасы қаланды. 1923 жылдан ол Есік станицасы болып аталды. 1968 жылы қала статусын алды. Қалада “Көктем”, “Есік шарап зауыты”, “Дионис”, “Елес”, “Фудмастер”, “Голд Продукт” сияқты ірі кәсіпорындар орналасқан. Одан басқа құрылыс, көлік, т.б. мекемелер мен шағын өндірістік кәсіпорындар бар. Есікте жалпы білім беретін 9 мектеп, педагогикалық колледж,медициналық колледж, заң колледжі, біріккен қазақ-түрік лицейі, мәдениет үйлері, кинотеатрлар, клуб, аудандық аурухана, емхана, дәріханалар, т.б. бар. Қаладан оңтүстікке қарай 17 км жердегі әсем тау шатқалында демалыс және туризм аймағы саналатын Есік көлі орналасқан. Есік қаласының солтүстігіндегі Есік өзенінің сол жақ жағалауындағы темір дәуірінен сақталған сақ обасынан алтын киімді сақ жауынгерінің мүрдесі, яғни Алтын адам табылды. Оны 1969 – 1970 жылы археолог Кемел Ақышев тапқан.

Сілтемелер[өңдеу]

"Қазақ Энциклопедиясы", 3 том

Түсініктемелер[өңдеу]

  1. ҚР елді мекендерінің тұрғындар саны