Есіл ауданы (Солтүстік Қазақстан облысы)

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Disambig gray.svg Басқа мағыналар үшін Есіл ауданы деген бетті қараңыз.


Есіл ауданы
Ел:

Қазақстан

Статусы:

Аудан

Кіреді:

Солтүстік Қазақстан облысы

Енеді:

16 ауылдық округтер

Әкімшілік орталығы:

Явленка

Құрылған уақыты:

1928 жылы

Әкім:

Асқар Әбдіғалиұлы Бегманов

Тұрғыны (2011):

27,1 мың
(4,6 %)

Ұлттық құрамы:

қазақтар – 11,8 мың (40,9 %)
орыстар – 13,9 мың (51,3 %)
украиндар – 0,6 мың (2,2 %)
немістер – 0,7 мың (2,6 %)
басқа ұлттар – 0,8 мың (3,0 %)

Жер аумағы:

5,14 мың км²
(5,2% %)

картада

Пошта индекстері:

150500-150520

Ресми сайты

Есiл ауданыСолтүстік Қазақстан облысының оңтүстік-батыс бөлігіндегі әкімшілік аудан. 1997 жылдың 17 сәуіріне дейін әуелі Ленин, содан кейін Мәскеу аудандары аталып келді. Жерінің аумағы 5,14 мың км². Тұрғыны 38,3 мың адам (1999). Құрамындағы 60 елді мекен 15 ауылдық әкімшілік округке біріктірілген. Орталығы — Явленка ауылы. Есіл ауданының жері түгелдей жазық және оңтүстіктен солтүстікке қарай еңістеу келеді, теңіз деңгейінен 150 — 200 м жоғары жатыр. Климаты тым континенттік: қаңтарда ауаның орташа температурасы –19ºС, шілдеде 20ºС. Жауын-шашынның жылдық орташа мөлшері 300 — 350 мм. Жер беті суларын аудан жерінің оңтүстік-батысынан солтүстік-шығысына қарай ағып өтетін Есіл өзенінің орта бөлігі мен сирек кездесетін көлдер құрайды. Ірі көлдері: Есілдің сол жағындағы Алба, Кіндікті, Қамысты, оң жағындағы Жалтыркөл, Таранкөл, Сарыкөл, Жыланды, Балықты. Есіл жайылмасында көптеген ескі арналар да кездеседі. Ауданның жері орманды-дала белдеуінде орналасқандықтан, жері, негізінен, қара топырақты болып келеді. Көларалық жазықтарда карбонатты қара топырақ, далалық өңірде сортаң қара топырақ, орманды жерлерде күлгін қара топырақ тараған. Есілдің жағалауында, негізінен, әр түрлі шөп аралас боз, бетеге, жағалаудан алшақтау жерінде терек пен қарағай аралас қайың шоқтары, көл жағалай шалғынды-батпақты өсімдіктер, өзен жайылымында дәнді-дақылды өсімдіктер өседі. Жануарлар дүниесінен қасқыр, түлкі, қарсақ, қоян, сарышұнақ, суыр, қосаяқ, дала тышқандары, көлдер мен өзендерде ондатра, құстардан: бүркіт, кезқұйрық, тұрымтай, қырғи, қаз, үйрек, аққу, балықшы, қызғыш, тауқұдірет, бөдене, тырна, балықтардан: шортан, шабақ, алабұға, табан, т.б. бар. Аудан жері сирек қоныстанған. Тұрғындарының орташа тығыздығы 1 км²-ге 7,5 адамнан келеді. Ірі елді мекендері: Явленка, Амангелді, Петровка, Николаевка, Покровка, Ильинка, Бесқұдық, Бұлақ, т.б. Есіл ауданы, негізінен, ауыл шаруашылығымен айналысады. Ауыл шаруашылығына пайдаланылатын жерінің аумағы 454,9 мың га. Егіс аумағының 70%-ке жуығын дәнді дақылдар құрайды. Мал шаруашылығы сиыр, жылқы, қой және шошқа өсіруге маманданған. Ауданда өндірістік және тұрмыстық қызмет көрсету комбинаты, 2 май зауыты, ет-сүйек зауыты, нан комбинаты, баспахана, 1 кәсіптік-техникалық мектеп, 1 ауыл шаруашылық колледжі, 54 орта мектеп, 56 дәрігерлік пункт, 3 аурухана, 10 дәрігерлік амбулатория, 43 фельдшерлік-акушерлік пункт жұмыс істейді.

Ауылдық округтер[өңдеу]

  1. Явлен ауылдық округі
  2. Яснов ауылдық округі

Сілтемелер[өңдеу]

Дереккөздер[өңдеу]