Жамбыл политехникалық колледжі
Жамбыл политехникалық колледжі - Тараз қаласындағы орта кәсіптік білім беретін оқу орны. Негізі 1954 жылы қаланған. 1997 ж. Жамбыл химия-механика және статистика техникумдары біріктірілуі негізінде Жамбыл политехникалық колледжі атанды. Технология, экономика және педагогика салаларында 22 мамандық бойынша мамандар даярлайды. Күндізгі және сырттай оқу бөлімдері бар.
Құрылымы[өңдеу | қайнарын өңдеу]
Колледждің стадионы, теннис корты, бірнеше спорт залы, оқу-өндірістік және ақпараттық-баспа орталығы, нан пісіретін цехы, шаштаразы, халық шығармашылығы орталығы бар. Жамбыл политехникалық колледжінде республикалық және халықаралық деңгейдегі спорт жарыстары өткізіліп тұрады. Колледж оқушылары Тараз қаласының қоғамдық өміріне, мәдени іс-шараларына белсене араласады. 2001 жылдың "Жылдың ең жақсы колледжі" деп аталатын республикалық байқауда Жамбыл политехникалық колледжі 1 орынды иеленді. Колледжің директоры - Жанар Орынбаева.
Дереккөздер[өңдеу | қайнарын өңдеу]
- ↑ Тараз, Жамбыл облысы энциклопедиясы, Алматы 2003