Жанар Сейдахметқызы Айтжанова

Жанар Айтжанова Жанар Сейдахметқызы Айтжанова
Лауазымы
1-ші Қазақстан Республикасы Экономикалық интеграция істері жөніндегі министрі
2011 жылдың 16 сәуірінен бастап
Өмірбаяны
Партиясы	Нұр Отан ХДП
Білімі	жоғары
Мамандығы	тарихшы, экономист
Діні	Ислам
Дүниеге келуі	9 мамыр 1965 (1965-05-09) (58 жас) Жуантебе кеңшары, Созақ ауданы, Оңтүстік Қазақстан облысы
Жұбайы	Марат Кеңесбайұлы Қожахметов

Жанар Сейдахметқызы Айтжанова (1965 жылы 9 мамырда Шымкент облысы Созақ ауданының Жуантебе кеңшарында туған) - қоғам және мемлекет қайраткері, ҚР Экономикалық интеграция істері жөніндегі министрі (2011 жылдан бастап).

С.М. Киров атындағы Қазақ мемлекеттік университетін (1988) тарихшы мамандығы бойынша; Вена біріккен институтын (1997) қаржыгер-экономист мамандығы бойынша; Гарвард университетінің Джон Ф. Кеннеди атындағы мемлекеттік басқару мектебін (2003) мемлекеттік басқару магистрі мамандығы бойынша бітірген.

Қазақ, орыс, ағылшын және чех тілдерін біледі.

1988 жылдан - ҚазМУ және ММУ тарих факультетінің тәжірибеші-зерттеушісі.

1991 жылдан - Карлов университетінің, Орталық Еуропа университетінің тәжірибешісі (Прага қаласы).

1993 жылдан - ҚР-дағы БҰҰ өкілдігі бағдарламаларының үйлестірушісі.

1996 жылдан - Вена біріккен институтының тыңдаушысы.

1997 жылдан - БҰҰ үйлестірушісінің көмекшісі және Монғолиядағы БҰҰДБ өкілі.

1999 жылдан - БҰҰ ДБ Еуропа және ТМД аймақтық бюросының Орталық Азия елдері бөлімі бағдарламаларының кураторы.

2002 жылдан - Гарвард университетінің студеті.

2003 - 2010 жылдары - ҚР Индустрия және сауда вице - министрі.

2005 жылдан - Қазақстан Республикасының ДСҰ-на өту келіссөздері бойынша ҚР арнаулы өкілі.

2010 - 2011 жылдары - ҚР Экономикалық даму және сауда министрі.

«Ерен еңбегі үшін» медалімен марапатталған.