Жаһандану

Уикипедияден

Жаһанданудың (ағылшынша: Globalization) үрдiстерi дегенде, оның үш сипаты: елдердiң арасындағы тауар қозғалысының нығаюы, капиталдың, адамдардың еркiн қозғалысы айқын байқалуда. Жаһанданудың факторы ретiнде халықаралық валюталық операциялардың серпiндi дамуы болып табылатындығын атап көрсеттi. Расында, халықаралық валюта жүйесi үш кезеңдi: реттеудiң алынып тасталуын, интернационалданудың және инновацияны бiр мезгiлде бастан кештi. Жаһандану факторының шешушi идеясы және соның салдарынан туындайтын ақпараттың, зияткерлiк өнiм мен идеялардың еркiн қозғалысы жаһандану заманының бесiншi факторына айналды.

Жаһанданудың негiзгi көрсеткiштерi деп әр елдiң әлеуметтiк, саяси және мәдени айырмашылықтың жойылуын айтуға болады.

Сонымен жаһандану адамзатқа не әкеледi? Қоғамдағы әлеуметтiк топтардың арасындағы айырмашылық, жiктелу жедел түрде ашыла түседi. Бүкiләлемдiк жаһанданудың мәлiметтерiне қарағанда аса бай жиырма және аса кедей жиырма мемлекеттiң арасындағы жан басына шыққандағы ІЖӨ көрсеткiшiнiң айырмашылығы 1962 жылы 53:1 болса, бұл көрсеткiш 40 жылдан кейiн 2 еседен аса өсiп, 2002 жылы 121:1 болыпты. Бүкiл дүниежүзiлiк банктiң мәлiметтерi бойынша әлемде 800 миллион адам аштық пен ашқұрсақтықтан зардап шегедi. 1 млрд. 300 млн. адам тәулiгiне 1 АҚШ долларынан кем табысқа күн көредi.