Жер сағаты

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Жер сағаты акцияның таңбасы

Жер сағаты (ағыл. Earth Hour) – Дүниежүзілік Тұмса табиғат қоры (WWF) наурыздың соңғы сенбісі күні жыл сайын өткізетін және бұқара халықты бір сағатқа жарық пен электр жабдықтарын сөндіруге үндейтін шара. Акцияны өткізудегі мақсат - әлем жұртшылығының назарын климаттың жаһандық өзгеру проблемасына аудару және адамдарды энергия мен басқа да табиғи ресурстарды үнемдеуге шақыру.

«Жер сағаты» - жарықсыз терезелер, сөндірілген теледидарлар, компьютерлер мен басқа да тұрмыстық электр құралдар акциясы. Климаттың өзгеруіне қарсы бағытталған аталмыш шараға әлемнің 1,3 миллиардтан астам адам, 128 елдің 4616-дан аса қаласы, бір сағатқа электр қуатын өшіруге уәде берген, ал олардың саны күн санап өсуде. Кеңселер мен тұрғын үйлерде жарықты сөндіру арқылы Жер тұрғындары ғаламымыздың энергиясын сақтауға өз үлесін қоспақ.

Акцияға Қазақстанның кез-келген тұрғыны қатыса алады. Ол үшін 2012 жылы 31-наурызда 20 сағат 30 минуттан бастап 21 сағат 30 минутқа дейін үйде, офисте жарықты сөндіріп, қордың http://www.earthhour.org/ сайтына Қазақстан белгісімен тіркелсе болғаны”, делінген онда.

Тарихы[өңдеу]

«Жер сағаты» шарасы алғаш рет 2007 жылдың наурыз айында Жабайы табиғат қорының ұсынысымен Сиднейде ұйымдастырылған болатын. Сол жылы бір уақытта Австралия астанасының 2 миллионнан астам тұрғыны мен 2 мыңнан астам компаниялардың жұмысшылары жарықты өшірді. Нәтижесінде Сидней қаласы бір сағаттық энергия шығынын 10,2 пайызға қысқартқан. Ал 2008 жылы бұл іс-шараға бүкіл әлемнің 370 қаласынан 50 миллионнан астам адам қатысқан болатын.


Қазақстандағы ресми елшісі[өңдеу]

Жас актер Тұрар Дауылбеков «Жер сағаты» акциясының ресми елшісі атанды. Ол климаттың жаһандық өзгерісі проблемасына жастардың назарын аударып, қозғалысты жақтаушылардың қатарына оларды көбірек тартуға шақырды, деп атап көрсетіледі Дүниежүзілік Тұмса табиғат қорының (WWF) баспасөз қызметі таратқан хабарламада.


Жер сағаты 2010 Қазақстан[өңдеу]

Бұл бастаманы ел президенті Нұрсұлтан Назарбаев та қолдап отыр. Қазақстан бойынша 90 қалалары мен елді мекендері акцияға қатыспақ, онын ішінде Астана, Алматы, Орал, Қарағанды, Шымкент, Тараз, Павлодар, Ақтау, Ақтөбе, Атырау, Өскемен және Семей қалалары да бұл шараға әзірленуде. Астана, Алматы және Ақтау қалалары ресми түрде бұл шараға қатысатындығын жариялаған.

  • Астана әкімі Иманғали Тасмағамбетов қаланың үлкен нысандарын жарықтан ажырату жағын әзірлеуге тапсырма берген. “Жер сағат” акциясы кезінде “Бәйтерек” монументі жарықсыз қалады, сонымен қатар қаланың жүзден аса нысанында жарық болмайды, оның ішінде “Ақ орда”, Жоғарғы соттың ғимараттары, “Нұр Астана” мешіті, “Қазақ елі” монументі, Конгресс-Холл, Автовокзал, Тәуелсіздік сарайы, Думан және басқа да ғимараттар бар.
  • Алматы әкімі Ахметжан Есімов 372 метрлік Көктөбе мұнарасындағы жарықты, Алматы әкімшілік ғимараты басқа да танымал қалалық нысандардың жарықтарын сөндіруді әзірлеуге тапсырма берді.
  • Ақтау қаласында «Эко Маңғыстау» үкіметтік емес ұйымы бастаған акцияға АҚ «НИПИнефтегаз», «Сулпак» сауда үйі, «Абай» мәдениет сарайы, «Кар-тел» (Билайн) ғимараты, «ШУМ» «Қазақстан» сауда үйі қатысып, жарықтарын сөндіруде.



ОЛЬГА ЯРОСЛАВЦЕВА, "ECOIDEA" ҚОҒАМДЫҚ ҚОРЫНЫҢ PR-МЕНЕДЖЕРІ: «Біз Қазақстан жұртшылығының назарын климаттың өзгеруі мен қуатты үнемдеп пайдалану мәселесіне аударғымыз келеді. Әсіресе электр қуатын есепсіз пайдаланудан атмосфераға тарайтын қалдық көлемі ұлғайып барады. Қазақстанда қоршаған ортаға әлі дұрыс көңіл бөлінбеуде.»


«АҚШ-тың Қазақстандағы елшілігі аталмыш акцияға қолдау көрсетіп отыр. Біздің елшілік те осы күні көрсетілген уақытта жарығын өшіреді. Сондай-ақ біз «Жер күнін» атап өтуді жоспарлап отырмыз. Елшіліктің волентерлері мен қатысушылары осы күні елорданың орталық саябағын тазалауға атсалысады», - деді АҚШ-тың Қазақстандағы Елшісінің Мәдениет мәселелері жөніндегі кеңесшісі Виктория Слоун.


Сыртқы сілтемелер[өңдеу]