Жетпісбай Бекболатұлы
| Жетпісбай Бекболатұлы | |
 Жетпісбай Бекболатұлы | |
| Туған күні |
Lua error Module:Wikidata ішіндегі 39 жолында: attempt to concatenate field '?' (a nil value). |
|---|---|
| Азаматтығы |
Қазақстан |
| Ұлты | |
| Қызметі |
журналист, ғалым |
| Әкесі |
Бекболат Жаңбыршы |
| Анасы |
Рахия |
| Жұбайы |
Тания |
| Балалары |
Алихан, Бейбітғали |
| Марапаттары мен сыйлықтары |
ҚР Білім беру ісінің құрметті қызметкері |
Экономика ғылымдарының кандидаты, доцент. М.В.Ломоносов атындағы Мәскеу мемлекеттік университетінің журналистика факультетін, Қазақ мемлекеттік басқару академиясының Нарық институтын, Қазақстан Республикасының Президенті жанындағы Мемлекеттік қызмет академиясын бітірген. Жұртшылықпен байланыс, жарнама және ақпараттық процестерді басқару саласындағы ұзақ жылғы практикалық жұмыс тәжірибесін ғылыми негіздеумен айналысып келеді. Университтті бітірген соң «Жазушы» баспасының редакторы, облыстық «Торғай таңы» газетінің бөлім меңгерушісі, Қазақ ССР Сыртқы істер министрлігінің Баспасөз бөлімінің екінші хатшысы, ҚазТАГ-тың аға редакторы, С.М.Киров атындағы Қазақ мемлекттік университетінің журналистика факультетінің аға оқытушысы болып істеген. Тәуелсіздік кезеңінде «ТұранӘлембанк» АҚ баспасөз қызметінің жетекшісі, Алматы облысы Әкімінің баспасөз хатшысы, бас инспекторы, Алматы қалалық ақпарат басқармасының бастығы, Қазақстан Республикасы Қаржы нарығын қадағалау агенттігінің баспасөз хатшысы қызметтерін атқарған. Ислам экономикасы, мемлекеттік басқару, ақпараттық менеджмент және маркетинг, Қазақстанның қаржы жүйесі жөніндегі шет елдік және отандық ғылыми басылымдарда жарияланған 60-тан астам зерттеу еңбектерінің авторы.
«Өмір айнасы» (Алматы, «Қазақстан», 1990) монографиясының, «Банк терминдері мен ұғымдарының қазақша-орысша сөздігі» (Алматы, «Экономика», 2006), «Орысша-қазақша қаржы сөздігі» (Алматы, «Экономика», 2007), «Қазақша – орысша банк сөздігі» (Алматы, «Экономика», 2008), «Қаржы-экономика аталымдарының орысша-қазақша сөздігі» («Ана тіл-Ата тарих», Астана, 2008) сөздіктерінің, «Қазақстанның банк жүйесі» (Алматы, «Экономика», 2009), «Банковская система Казахстана» (Алматы, «Экономика», 2008), «Жарнама негіздері» (Алматы, «Экономика», 2009), «Жұртшылықпен байланыс» (Алматы, «Экономика», 2009), «PR және жарнама» (Алматы, «Қазақ университеті», 2010) оқулықтары мен оқу құралдарының авторы.
«Қазақстан Республикасының тәуелсіздігіне 10 жыл» мерекелік медалімен, Қазақстан Республикасының білім беру ісінің құрметті қызметкері төсбелгісімен марапатталған.