Жохан аяны
Қазақша Уикипедияның мағлұматы
Жохан аяны (не Апокалипсис грекше: apokalypsis — аян) — Жаңа келісімнің (Інжілдің) бір кітабы.
Мәсіхшілік ұғым бойынша 95 ж. жазылып, жаңа келісімдік діни ережелерге енген бұл дүние Иса Мәсіх бен оның шәкірттері туралы қасиетті жазбалар ауторы апостол Жохан Діниесіне телінеді. Аян ақырзаман туралы, Иса Мәсіх пайғамбар мен «күпірлер» арасындағы күрес, о дүниеде болатын сот, қиямет қайым хақында пайғамбарлық уағыздар болып табылады. Аян — Жаңа келісімге негіз болған ең алғашқы дүние.
Көне грек тілінде жазылған бүл діни уағыздарға Бабыл, Көне Мысыр, парсы аңыздары енген. Ондағы оқиғалар әр елдің өнер шеберлерін, әсіресе, суретшілері мен ақындарын қызықтырып, Шығыста да, Еуропада да көптеген көркем туындыларға арқау болған.
