Жоғарғы партия мектебі

Уикипедия — ашық энциклопедиясынан алынған мәлімет
Навигацияға өту Іздеуге өту

Жоғарғы партия мектебі (орыс. Высшая партийная школа) - КСРО кезіндегі жоғары партиялық-саяси оқу орыны. 1918 жылы маусымда, Я. М. Свердлов атындағы Коммунисттік университет, БОАК жанындағы үгітші-нұсқаушылар курсы және Я. М. Свердлов атындағы насихатшылардың жоғарғы мектебі болды.1939 жылдан КОКП ОК жанындағы жоғары партия мектебі деп талды. Ол партия және кеңес мемлекеттік қалаларына идеялық-теориялық білім берді, оларды қайта даярлықтан өткізді. Оның баспасөз, радио және телевизия бөлімінде бұқарлық информация құралдарының басшы қызметкерлері оқыған:

  • Мектептегі КОКП тарихы,
  • Маркстік-лениндік философия,
  • Ғылыми коммунизм,
  • Сол заманғы халықаралық коммунисттік жұмысшы және ұлт-азаттық қозғалыс,
  • Кеңес экономикасы,
  • Мемлекеттік құқық және кеңес кұрылысы,
  • Журналистика және әдебиет, орыс тілі,
  • Шет тілдері кафедралары болған.

Олар оқу методикалық жұмыспен бірге ғылыми зерттеу жұмыстарын жүргізген, монография әзірлеп, оқулық және оқу-методика құралдар құрастырған. Кафедрада ғылым докторлары мен ғылым кандидаттары жұмыс істеген. Жоғары партия мектебін қорғау үшін кандидаттық және докторлық диссертацияларды қабылдаған. Жоғары партиялық мектебіне жоғары білімді, кемі 5 жылдық партиялық стажы бар 40 жасқа дейінгі коммунисттер түсіп оқыған. Тыңдаушыларды одақтас республикалар КП ОК-ның өлкелік партия коммитетінің ұсынысымен КОКП ОК қабылдайды. Оқу мерзімі 2 жыл. Жоғары партия мектебі жанында басшы партия және кеңес қызметкерлерін қайта даярлайтын тұрақты курс жұмысын істеген. Жоғары партия мектебі әлеуметтік елдердің партия және мемлекеттік кадрларын даярлауға да көмектеседі. Мектепті 10 мыңнан астам партия және мемлекеттік қызметкерлері бітіріп, 15 мыңдай қызметкер қайта даярлық курсын өтті. 1967 жылы Ленин орденімен марапатталған.

Дереккөздер[өңдеу | қайнарын өңдеу]

Алматы-кітап, 1997ж. 9-том