Жыныс жүйесі

Жыныс жүйесі (половая система) — жануарлар организмдеріндегі жыныстық көбеюді қамтамасыз ететін мүшелер жүйесі. Мысалы, сүтқоректі жануарларда жыныс жүйесі — жыныс бездерінен (ен, жұмыртқалық), жыныс жолдарынан (шәует жолы, жұмыртқа жолы, жатыр), қосымша жыныс бездерінен (еркек жануарларда) және жыныстық қатынас мүшелерінен (еркек жануарларда — қаса, қамшы, түкі, ал ұрғашы жануарларда қынап) тұрады. Ұрықтану процесі жатыр түтігінде (жұмыртқа жолында), ал ұрықтың дамуы жатырда жүреді. Жұмыртқа салатын жануарларда ұрық жұмыртқада дамып жетіледі. Өсімдіктер организмінде бұл жүйені көбею мүшелері деп атайды.