Жұлдызжеміс

Уикипедия — ашық энциклопедиясынан алынған мәлімет
Навигацияға өту Іздеуге өту
Жұлдызжеміс
Damasonium californicum
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Дара жарнақтылар
Сабы: Alismatales
Тұқымдасы: Alismataceae
Тегі: Damasonium
Mill.
түрлері

6 түрі белгілі

Жұлдызжеміс (лат. Damasonium) – кербезгүлдер тұқымдасына жататын көп жылдық өсімдіктер туысы. Қазақстанда далалық, шөлді аймақтардың өзен-көл, тоған, арық бойларында, ылғалды, батпақты жерлерде кездесетін 2 түрі (кербезгүлтүсті жұлдызжеміс, ұзын жұлдызжеміс) бар. Олардың биіктігі 30 см, тамыр сабағы қысқа, жуан. Сабағы тік өседі. Тамыр түбіндегі жапырақтары ұзынша немесе қандауыр тәрізді, ал сабақ бойындағылары домалақ болады. Тостағанша жапырақшалары жұмыртқа тәрізді. Гүлдері қос жынысты, аталығы 6, аналығы 6 – 9, ұсақ гүлді сыпыртқы гүлшоғырына топталған. Мамыр – маусым айларында гүлдеп, жемістенеді. Жемісі жұлдыз тәрізді, тұқымы ұсақ.[1]

Дереккөздер[өңдеу | қайнарын өңдеу]

  1. "Қазақ Энциклопедиясы"