Захаров Ростислав Владимирович
| Ростислав Владимирович Захаров | |
|---|---|
| Дүниеге келгені: | 1907 ж. ақпанның 10 |
| Қайтыс болғаны: | 1984 ж. ақпанның 15 (77 жаста) |
| Мансабы: | балетмейстер, режиссер, КСРО Халық артисі |
Ростислав Владимирович Захаров (1907—1984) — балетмейстер, режиссер, КСРО Халық артисі (1969), Қазақстанның Халық артисі (1958), Өнертану ғылымының докторы (1970). 1926 жылы казіргі Санкт-Петербургтың хореография училищесін, 1932 жылы сондағы театр техникумының режиссерлік бөлімін және 1948 жылы А.Н.Островский атындағы сахна өнері институтының режиссура бөлімін бітірді. 1926—1929 жылдары Украин опера және балет театрында биші, 1934—1936 жылдары Санкт-Петербург опера және балет театрының, ал 1936—1956 жылдары Үлкен театрдың балетмейстері әрі опера режиссері болды. Балетмейстерді ең басты қызықтырғаны — балет спектаклін құру ұстанымы және хореографиялық, бейне жасаудағы балет артисінің рөлі болды. Ол шығарманың идеялық көркемдік мақсатын анықтап, артистердің өзіндік жұмысын, хореографиялық режиссурадан тұратын спектакль жасаудағы өзіндік төсілін құрастырды. Қойған таңдаулы балеттерінің қатарында Б.В.Асафьевтың "Бақшасарай фонтаны" (Санкт-Петербург, Мәскеу, Будапешт, Прага, Хельсинки, Белград, Токио, Каир театрларында) мен "Кавказ тұтқыны Р.М.Глиэрдің "Мыс салт аттысы" мен "Қызыл гүлі Л.Ф.Минкустың "Дон КихотыС.С.Прокофьевтің "Кщ цыз — кщ цызы" (КСРО Мемлекеттік сыйлығы, 1946), тағы басқа бар. 1958 жылы Қазақтың опера және балет театрында "Бақшасарай фонтаның", сондай-ақ Д.Т.Әбіровпен бірлесіп Н.А.Тілендиев, Л.Б.Степанов және Е.В.Манаевтың "Достық жолымен" балетін қойды. Сол жылы Мәскеуде өткен қазақ әдебиеті мен өнерінің онкүндігіне кеңесшілік етті. 1927 жылдан педагогикалық қызметпен шұғылданды. 1945—1949 жылдары Мәскеудің хореография училищесінің директоры болды әрі көркемдік жағын басқарды. 1946 жылдан ГИТИС-тің хореография кафедрасын (1951 жылдан профессор) басқарды. "Балетмейстер өнері" (1954), "Би туралы әңгімелер" (1963), "Балетмейстер жазбалары" (1976), "Би туралы сөз" (1978), тағы басқа кітаптардың авторы.[1]
Дереккөздер[өңдеу | қайнарын өңдеу]
- ↑ Өнер: Жалпы білім беретін мектептің жаратылыстану-математика бағытындағы 11-сыныбына арналған оқулык/Қ.Болатбаев, Е.Қосбармақов, А.Еркебай. — Алматы: "Мектеп" баспасы, 2007. ISBN 9965-33-998-8
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |