Изобаралық процесс

1-2, 3-4 изобаралық процесстер

Изобаралық процесс – сыртқы тұрақты қысымда физикалық жүйеде өтетін процесс.

Ол термодинамикалық диаграммада изобарамен кескінделеді. Изобаралық процесстің қарапайым мысалына ашық ыдыстағы суды қыздыру, еркін қозғалатын поршені бар цилиндрдегі газдың ұлғаюы жатады. Бұл екі жағдайда да қысым атмосфералық қысымға тең. Изобаралық процесс кезінде идеал газдың көлемі температураға пропорционал болады (қ. Гей – Люссак заңы). Изобаралық процессте, жүйенің жылу сыйымдылығы изохоралық процеске (тұрақты көлемде) қарағанда көбірек болады. Мысалы, идеал газ үшін:

$C\mathrm{p} - C\mathrm{v} = k$ , мұндағы $C\mathrm{p}$ және $C\mathrm{v}$ – изобаралық және изохоралық процестердегі бір бөлшекке келетін жылу сыйымдылықтары.

Изобаралық процессте идеал газдың жасайтын жұмысы $p \Delta V$ -ге тең, мұндағы $p$ – қысым, $\Delta V$ – газ көлемінің өзгерісі.^[1]

Тағы қараңыз

• Изобара

Сілтемелер

1. Қазақ энциклопедиясы, 4-том