Исфиджаб

Уикипедия — ашық энциклопедиясынан алынған мәлімет
Навигацияға өту Іздеуге өту

Исфиджаб, Испенжаб – Сайрам қаласының 7 – 11 ғасырлар аралығындағы тарихи жазбаларда аталатын атауы, Қожа Ахмет Ясауидың туған жері.

Мәдинат әл-Байзо, Испенджаб, Сарьям деген атаулары да болған. Шағатай тіліндегі «Сайрам туралы рисала» жазбасында Исфиджаб қаласы туралы аңыздар сақталған. Бұл жазбада қалада Қызыр, Ыдырыс және Нұх пайғамбарлар өмір сүрген, шаһар соларға арналып салынған, олардың мешіттері болған деген жорамалдар айтылады. Тарихи деректерде 7 ғасырдан бастап аталады.

Қаланың жобасы бірін-бірі қиып өтетін үлкен екі жолдың торабына топтастырылған. Мұнда 11 ғасырдың аяғы мен 12 ғасырдың басында өмір сүрген Мірәлі Бабаның, Ибраһим Атаның (Қожа Ахмет Ясауидың әкесі), Қарашаш ананың (Қожа Ахмет Ясауидың анасы), Абд әл-Әзіз бабтың, Ләтіп ата мен Мұстафа-Құл атаның, Шейһ Шахаб әд-Дин Испенжабидің (Ахмет Ясауидің ұстазы), тағы басқа мазарлары бар.

Исфиджаб 11 ғасырдан Сайрам атанған. [1]

Дереккөздер[өңдеу | қайнарын өңдеу]

  1. “Қазақ Энциклопедиясы”, 4 – том