Йоганн Себастьян Бах

Уикипедия — ашық энциклопедиясынан алынған мәлімет
(Йоһан Себастиан Бах бетінен бағытталған)
Мұнда ауысу: шарлау, іздеу
Bach.jpg

Йоһан Себастиан Бах (21.3.1685, Эйзенах, Германия - 28.7.1750, Лейпциг, сонда) - ұлы немістер композиторы, органшы. Әкесінен музыкалық сауатын ашқан, шіркеудегі балалар хорында ән салған. 15 жасында Эйзенах қаласындағы шіркеуде органшы болған. Композиторлық шығармалылығы Веймарда басталды (1712 - 17). Осы кездегі органға арналған шығармаларында аспаптың мүмкіндігін кеңейтіп, дыбыс алу әдістерін байытты. Кейін ол клавишті аспаптардың білгірі атанды. Л. Бетховен оны “үйлесімнің атасы” деп бағалаған. 1717-23 жылдары оның “Дұрыс жүйедегі клавир” (1-том), “Хроматикалық фантазия және фуга”, “Италия концерті”, “Бранденбург концерті”, т.б. шығармалары дүниеге келді. Бах шығармашылығының ең жемісті кезеңі Лейпциг қаласында өтті (1723-50). Вокалдық-драмалық, оркестрге, хор мен жеке әншілерге арнап жазылған ораториялары мен кантаталары, “Матфейше құштарлық”, “Иоаннша құштарлық”, симинорлы “Биік” мессалары терең мазмұнымен, музыкалық ерекшелігімен әлемдік музыка тарихында өшпес орын алды. Бахтың шығармалары Қазақстанның кәсіпқой өнер ұжымдары репертуарынан берік орын алған. Оның органға арналған барлық шығармаларынан қазақ органшысы Ғ. Несіпбаев 15 концерттік бағдарлама дайындап, 1991-94 жылдардағы концерттік үш маусымда Еуропа елдерін аралап шықты. [1]

Пайдаланылған әдебиет[өңдеу]

  1. Қазақ энциклопедиясы