Кальдерон де ла Барка

Уикипедия — ашық энциклопедиясынан алынған мәлімет
Навигацияға өту Іздеуге өту

Кальдерон де ла Барка (толық фамилиясы – Кальдерон де ла Барка Энао де ла Барреда – и – Рианьо – Calderon de la Barca Henao de la Barreda y Riano) Педро – испан драматургі. Ол 1600 жылы 17 қаңтарда дүниеге келген. Саламанк университетінде оқыған. 1619 жылдан бастап пьеса жазумен шұғылданды.

Шығармалары[өңдеу | қайнарын өңдеу]

Кальдерон де ла Барканың алғашқы шығармалары – «Махаббат, намыс, билік» (1623), «Жалған балгер» (1624), «махаббатпен жағдаяттың әуресі» (1625) драмалар. Ол философиялық этикалық мәселелерді көтерген «табанды ханзада» (1628-29), «Өмір дегеніміз - түс» (1631-32), «Өзіме өзім тұтқын боп» (1636) және кейіпкер қасиеті арқылы жеке құбылыстарды талдайтын «Өз арының емшісі»(1635), «Саламей биі»(1640-45) пьесаларын, сарайдағы салтанат-сауықтарға арналған ән-би аралас пьесалар жазды. Кальдерон де ла Барка пьесаларының толық жинағы өзі қайтыс болғаннан соң жарияланды. Оның сов. сахналарында бірдеше комедиялары қойылды. Ол 1681 жылы 25 мамырда дүниеден озған.

Дереккөздер[өңдеу | қайнарын өңдеу]

М.Қ.Қаратаев, Қазақ совет энцеклопедиясы. 4 том. 672 бет.