Камералы пеш

Камералы пеш (ағылш. chamber furnace) – металлургиялық өндірістік пештерінің бір тобының жалпылама аты. Бұл пештердің ерекшілігі - қыздыру кезеңінде ішіне салынған бұйымдар пешке қатысты қозғалмай бүкіл қыздыру кезеңінде бірыңғай температуралық режимінде (камера қалпында) жылжымай қыздырылады.

Камералы пеш металл дайындамаларды прокаттау және шыңдау алдында қыздыру, металл бұйымдарды термиялық өңдеу, керамикалық және боялған бұйымдарды күйдіру т.б. мақсаттарда пайдаланады.

Қыздыру әдісіне сәйкес Камералы пештің температурасын бір қалыпты ұстауға немесе өзгертіп отыруға да болады.

Камералы пешке қатты (бу өндіргіштігі 50 – 2500 т/сағ), тозаңданған, газ тәрізді және сұйық отындар жағылады. Оны электр тоғымен қыздыруға да болады.

Түрлері

Камералы пеш құрылыс ерекшеліктеріне байланысты

• тік
• қалпақты
• құдықты т.б. болып бөлінеді.

Пештің құрылысы

Камералы пештерде:

• су қыздыратын құбырлар,
• ақ бу қыздырғыштар
• жану және суыну камералары болады.

Жанатын отын пеш құрылғы арқылы араластырылады. Жанудан бөлінген күлдің біраз бөлігі түтінмен бірге шығып кетеді де, қалғаны шлак түрінде күл жинағышқа түседі. Тозаңданған отын жағатын ірі қазан агрегаттарының оттғы жартылай ашық түрде жасалады. Камералық оттықтардың оттықтары жану және суыну камераларына бөлінеді.

Сәуле шашыратуы мен газ ағысының қозғалыс ерекшелігі Камералы пештің қабырғаларының орналасу пішініне тәуелді. Ұсталық цехтарда пайдаланатын Камералы пештің жұмыстық бөлігінің ұзындығы 0,6 - 2 м, ені 0,6 - 1,5 м және биіктігі 1 м шамалас параллелепипед пішінді болып жасалады.

Камералы пештердің өнімділігі 70-600 кг/сағ, жылу шығыны 5000-7000кДж/кг.

Сыртқы сілтемелер

• Камералық оттық. Кирилл мен Мефодийдің энциклопедиясы
• Камералы пеш