Карамель ағашы
Карамель ағашы - өзге ағаштар мен бұталарға қарағанда өзінің ашық түсімен ерекшеленеді. Оның қызыл, сары және шұбар жапырақты сұрыптары кездеседі. Карамель ағашы мамыр айының аяғында гүлдеп, хош иісті қоңырауша гүлдерімен көз қуантып тұрады. Карамель ағашының сыртқы түр әдемілігімен қоса, емдік күшімен де даңқы шыққан. Ежелгі Үндістанның өзінде карамель ағашының жемісін қанды тазалауға қабілеттілігі үшін пайдаланған. Ежелгі Грекия мен Римде карамель ағашы бақыт пен табыс әкеледі деп сенгендіктен, бұл өсімдік әрбір үйдің бағында өсірілген. Тибет монастырьларында карамель ағашы жастықты ұзартатын қабілетті өсімдік саналған. Қазіргі кезде ғалымдар карамель ағашында алма, лимон, шарап және аскорбин қышқылдары көп мөлшерде кездеседі, С дәруменіне бай деп санайды. Карамель ағашының жемісі жасалған шырынның ыстықты қайтаратын, микробты өлтіретін, қанды тоқтататын қасиеті бар.
Дереккөздер[өңдеу | қайнарын өңдеу]
- Қазақ энциклопедиясы