Келтебас

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Келтебас(Heleoharіs, Eleocharіs) – қияқөлеңдер тұқымдасына жататын бір және көп жылдық шөптесін өсімдіктер туысы. Қазақстанда батпақты жерлерде, көл-көлшік және өзен жағалауларында, сондай-ақ ылғалды жайылымдар мен сай-салаларда өсетін 19 түрі (қазір кейбір зерттеушілер 9 түрі бар деп есептейді) белгілі. Ең көп тараған түрі – келтешаш не батпақ Келтебасы (H. eupalustrіs). Оның биіктгі 5 – 120 см, сабақтары жіңішке, тек суда өсетін түрлерінің ғана сабағы жуан болады. Масақшасының ұзындығы 5 – 20 мм, гүлсерігінің қылтанағы сопақша, үшкір, қошқыл қоңыр түсті ортасында жасыл сызығы болады. Аналық мойны конус тәрізді (оның ұзындығы енінен үлкен болады), аталығы – үшеу. Маусымшілде айларында гүлдейді. Жемісі – үш қырлы дәнек. Келтебастың пішенін төрт түлік мал сүйсініп жейді.[1]

Дереккөздер[өңдеу]

  1. Қазақ Энциклопедиясы