Кембридж мектебі

Уикипедия — ашық энциклопедиясынан алынған мәлімет
Навигацияға өту Іздеуге өту

Кембридж мектебімаржинализмнің жетекші мектептерінің бірі. Ұлыбританияда 19 ғасырдың 90-жылдары Кембридж университетінің профессоры Альфред Маршалл төңірегінде қалыптасты. “Саяси экономия қағидаты” (1890) атты еңбегінде ол экономика ғылымына “экономикс” (economіcs) деген жаңа атау берді. Ол нарықтық тепе-тең баға теориясын жасап, еркін нарық жағдайында баға белгіленімінің сұраным мен ұсынымға тәуелді екенін көрсетіп берді. Бұл тұжырым “Маршалдың айқастырмасы (кресі)” ретінде баршаға мәлім. Ол өзі жасаған экономиканы талдау әдістерінің арқасында қазіргі заманғы микроэкономиканың негізін қалаушыға айналды, бұл әдістер: сұраным мен ұсынымның икемділігі, уақыт факторының шаруашылық қызметіне ықпалы, фирманың шығынын талдау. Кембридж мектебін ақша, несие, пайыз теориясын дамытты. Қаржы мәселесін жекелеген фирма деңгейінде шығынды, табысты, пайда мен залалды талдау шеңберінде қарады. [1]

Сілтемелер[өңдеу | қайнарын өңдеу]

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том