Коалиция

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Коалиция (лат. coalіtіo – одақ) – 1) екі немесе бірнеше мемлекеттер арасында қандай да бір өзге мемлекетке, я болмаса мемлекеттер тобына қарсы бірлескен іс-қимыл жасау мақсатында уақытша құрылған әскери немесе саяси одақ; 2) екі немесе бірнеше саяси партиялар арасындағы өзара келісім. Мұндай келісім, негізінен, партиялардың парламентте көпшілік дауыс алуы мақсатында, яки осы партиялар өкілдерінен Коалициялық үкімет құру үшін жасалады.[1]

Әскери коалиция (Военная коалиция) — басқа мемлекеттер (мемлекеттер коалициясы) тарапынан агрессияны болдырмау, сол мемлекетке немесе коалицияға қарсы соғыс жүргізу міндеттерін шешу үшін белгілі бір тарихи кезеңге құралатын мемлекеттердің әскери-саяси одағы. Әрбір коалиция белгілі бір жалпы саяси және әскери максагғарды ұстанады. оған тән құрамы мен ерекшеліктері болады. Сонымен қатар коалицияға кіретін орбір мемлекет өзінің әскери-стратегиялық мақсаттарына кол жеткізуге тырысады. Әскери коалиция, әдетте, бейбіт уақытта құрылады. Оның мемлекет аралық саяси, әскери және басқа органдары, коалициялық қарулы күштері болады.[2]

Дереккөздер[өңдеу]

  1. Қазақ Энциклопедиясы, 11 - том
  2. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ , 2001 жыл