Колмогоров Андрей Николаевич

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Колмогоров Андрей Николаевич

Колмогоров Андрей Николаевич (12.4.1903, Ресей, Тамбов қ. – 20.10.1987, Мәскеу) – орыс ғалымы, математика ғылымдар докторы, КСРО Ғылым Академиясының (1939) және КСРО Педогогика Ғылым Академиясының (1966) академигі Мәскеу мемлекеттік университетін бітірген (1925). 1931 жылдан сол университеттің профессоры болды. Ғылым еңбегін нақты айнымалы функциялар теориясынан бастаған. Ол тригонометриялық қатарлар, өлшемдер теориясы, жиындар теориясы, интегралдар теориясы, функцияның жуықтау теориясы бойынша іргелі еңбектер жазды. Конструктивтік логикаға, топологияға, механикаға, дифференциалдық теңдеулер теориясына, функционалдық анализге де елеулі үлес қосты. Орыс ғалымы А.Я. Хинчинмен (18941959) бірге (1925 жылдан) ықтималдықтар теориясына нақты айнымалы функциялар теориясының әдістерін қолдана бастады. Колмогоров кейінірек стационар кездейсоқ процестердің, стационар өсімшелері бар процестердің, тармақталған процестердің теориясын жетілдірді. Ақпарат (информация) теориясына маңызды үлес қосты. Математикалық тәсілдердің биология мен математикалық лингвистикада қолданылуын зерттеді. Ол ықтималдықтар теориясы мен функциялар теориясын зерттеушілердің мектебін құрды. Париж Ғылым Академиясының, Лондон Корольдік қоғамының, т.б. шетелдік академиялардың (Нидерланд, Польша, АҚШ, т.б.), ғыл. мекемелер мен қоғамдардың мүшесі. Халықаралық Э.Бальзан қоры сыйлығы (1963), КСРО Мемлекеттік сыйлығы (1941), Лениндік сыйлық лауреаты (1965). 7 рет Ленин орденімен (1944, 1945, 1953, 1961, 1963, 1973, 1975), т.б. орден және медальдермен марапатталған. [1], 2 изд., М., 1974; [2], 5 изд., М., 1981 (соавт. С.В. Фомин); [3], М., 1985; [4], М., 1986; [5], М., 1987.

Дереккөздер[өңдеу]

  1. Основные понятия теории вероятностей
  2. Элементы теории функций и функционального анализа
  3. Математика и механика
  4. Теория вероятностей и математическая статистика
  5. Теория информации и теория алгоритмов

Қазақ Энциклопедиясы, 11 - том