Кумулятивтік снаряд

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Explosively formed penetrator animate.gif

Кумулятивтік снаряд — нысананы жою үшін кумулятивтік қозғалыстың заряды қолданылатын негізгі бағыттағы артиллериялық снаряд.

Кумулятивтік снарядты бірінші рет 1934 ж. С.Н.Дядичев тәжірибеден өткізген. Тәжірибеден өткен кумулятивтік снарядтар 1938 ж. азамат соғысы кезінде Испанияда пайдаланылды. Екінші дүниежүзілік соғыста Кумулятивтік снарядты соғысушы армиялардың барлығы кеңінен колданды. Ұлы Отан соғысы кезінде кумулятивті снарядты кейде "сауыт өртеуші" немесе "термитті" деп атаган.

Кумулятивтік снаряд корпустан, жарғыш зарядтан, кумулятивтік ойықтан, жарғыштан және трассерден тұрады. Жарғыш заряд ретінде детонациялық жоғары жылдамдықтағы бризантты жарғыш заттар (токсоген және басқалар, сондай-ақ олардың коспалары мен әр түрлі позициядағы тротил қосылған ерітінділер) пайдаланылады.

Кумулятивтік снарядтың сауыт бұзу қасиеті кумулятивтік ойықтың пішініне, өлшеміне, салмағы мен жарғыш заряд қасиетіне, детонациялық шынжырдың жұмыс істеу уақытына, снарядтың айналу жылдамдығына, оның кедергімен кездесу бұрышына, сауыттың сипатына байланысты.

Кумулятивтік снарядтың айналуы ортадан тепкіш күштің әсерінен кумулятивтік ағыстың шашырауына және оның сауыт бұзу қасиетінің төмендеуіне әкеп соғады. Айналмайтын кумулятивтік снарядтың калибрлік немесе калибрден үлкен тірегі бар. Айналмалы кумулятивтік снарядтың сауыт бұзушылығы әдетте 2 калибрдей, айналмайтын кумулятивті снарядтың сауыт бұзушылығы 4 және одан да көп болады. [1]

Дереккөздер[өңдеу]

  1. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001