Кхасилер

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Кхаси

КхасилерҮндістанның Мегхалая штатын мекендейтін халық. Жалпы саны 860 мыңдай адам. Үндістанда 770 мың (1992). Антропология жағынан қара (веддоид) нәсіл араласқан моңғол нәсілінің оңтүстік тобына жатады. Кхасилердің жартысына жуығы христиан дінін ұстанады. Қалғаны ата-баба әруағына табынатын дәстүрлі анимистік дінін сақтап қалған. Кхасилер мон-кхмер тілінде сөйлейді. Тауларды сатылап танап жасап және орман ағашын өртеген алаңдарда егіншілікпен айналысады. Аздап қой-ешкі ұстайды. Қазіргі кезде тұрмыстық бұйым жасайтын қолөнері дамыған. Әлеуметтік ұйымы – аналық ру сарқыншақтары сақталған ортағасырлық феодалдық қатынастар. Кхасилердің материалдық және рухани мәдениетінен Үндістандағы көрші халықтардың әсері байқалады. Кхасилердің фольклорын ертегі-аңыздар құрайды.

Дереккөздер[өңдеу]

  • «Қазақстан» энциклопедиясы

Сілтемелер[өңдеу]