Кіріс пен шығыс сметасы

Уикипедия — ашық энциклопедиясынан алынған мәлімет
Навигацияға өту Іздеуге өту

Кіріс пен шығыс сметасыбюджеттік мекемелер мен муниципалдық құрылымдарға жатпайтын жекелеген елді мекендерді қаржыландыруға негіз болатын құжат. Бюджеттік мекемелердің сметасы Бюджет кодексінің ережелеріне сәйкес жасалады. Онда бюджеттік мекеменің бюджеттен, бюджеттен тыс мемлекеттік қорлардан да, кәсіпқорлық қызметтен де (соның ішінде ақылы қызмет көрсетуден алынған кіріс те) алынатын барлық кірісі, бюджеттік мекемеге оралымды басқару құқығымен бекітілген мемлекеттік және муниципалдық меншіктен алынған басқа да кіріс көрсетіледі. Шығыс көрсетілетін мемлекеттік және муниципалдық қызметтің болжалды көлемі және оларды көрсетуге жұмсалатын қаржы шығынының нормалары мен нормативтері бойынша айқындалады. Бұл орайда шығыс бюджеттік және бюджеттен тыс көздердің есебінен, бюджеттік қаражат есебінен жалпы сомасы түрінде көрсетіледі. Сметада мекеменің атауы мен мекен-жайы, ол қаржыландырылатын бюджет, шығыстың атқарымдық жіктелімінің кодтары, бюджеттік қаражаттандырудың жылдық сомасы көрсетіледі; мекеме қызметінің жоспарланатын жылдың басындағы және аяғындағы негізгі өндірістік көрсеткіштерінің есебі, орташа жылдық есебі (мектептер бойынша – сыныптар мен оқушылардың саны, жоғары оқу орындары бойынша шәкірттердің саны, тағы басқалар келтіріледі.[1][2]

Дереккөздер[өңдеу | қайнарын өңдеу]

  1. Қазақстан Республикасының Ғылым Энциклопедиясы
  2. Қаржы-экономика сөздігі. — Алматы: ҚР Білім және ғылым министрлігінің Экономика институты, «Зияткер» ЖШС, 2007. ISBN 978-601-215-003-2

Сілтемелер[өңдеу | қайнарын өңдеу]