Күйіс, күйіс қайыру

Күйіс, күйіс қайыру - көп карынды малдың месқарыңдағы химусын (азық жынын) демалыс кезінде ауыз қуысына қайтарып, түбегейлі шайнап жұтуы. Күйіс қайыру арқылы желінген жемшөп тек мұқият шайналып қана қоймай, сонымен бірге мол сілекейленіп, месқарынға қайтарылады. Сілекей карбонаттары месқарында сілтілі орта қалыптастырып, ондағы жемшөпті өңдеп, өз денесінің белогі және түзілген витаминдермен байытатын микрофлора (бактериялар) мен микрофаунаның (қарапайымдылар) көбеюіне оңтайлы жағдай туғызады.