Күләнда Әбубайқызы Ұзақбаева
| Күләнда Әбубайқызы Ұзақбаева | |
|---|---|
| Дүниеге келгені: |
1926 |
| Мансабы: | жазушы, аудармашы |
Күләнда Әбубайқызы Ұзақбаева -1926 жылы 23 желтоқсанда бұрынғы Семей облысы, Шұбартау ауданында туған. Жазушы, аудармашы.
1948 жылы Абай атындағы Қазақ мемлекеттік университетінің (ҚазҰУ) тарих-филология факультетін қызыл дипломмен бітірген. 1948-1951 ж. Тіл және әдебиет институтында кіші ғылыми қызметкер, 1951 жылдан 1986 жылдарға дейін табан аудармай 35 жыл "Жазушы" баспасында редактор, аға редакторлық қызмет атқарған.
Мұхтар Әуезовтің он екі томдығын және жиырма томдығын, Сәбит Мұқановтың он алты томдығын, Ғабит Мүсіреповтің бес томдығын, Ғабиден Мұстафиннің төрт томдығын, Әбдіжәміл Нүрпейісовтің "Қан мен тер" романының тұңғыш басылымына редактор болған. Сонымен қатар, Т.Ахтановтың, М.Мағауиннің романдары мен повестерін де жарыққа шығарған.[1]
Л.Воронкованың, Эристен Эриликтің, М.Слуцкистің, С.Алексеевтің, Дж.Родаридің, Ә.Якубовтың, Ф.Мұсажановтың, С.Захири Разияның, А.Гилязваның, С.Қапаевтың шығармаларын қазақ тіліне аударған.[2]
1985 жылы Қазақстан жазушылар одағына мүшелікке өткен. Қазақ КСР жоғарғы Кеңесінің Мақтау грамоталарымен, "Баспа үздігі" белгісімен марапатталған. Еңбек ардагері, майдан ардагері атақтары, медальдары бар.
Дереккөздер[өңдеу | қайнарын өңдеу]
- ↑ "Қазақстан баспагерлері мен полиграфистері", Анықтамалық,"Білім" баспасы, Алматы, 2005 ж., ISBN 9965-09-134-Х1981-89
- ↑ “ Қазақ әдебиеті. Энциклопедиялық анықтамалық. - Алматы: «Аруна Ltd.» ЖШС, 2010.ISBN 9965-26-096-6
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|