Күләш Ділдәқызы Ахметова

Күләш Ділдәқызы Ахметова
Туған күні	25 сәуір 1946 (1946-04-25) (77 жас)
Туған жері	Қырғызстан Талас ауданы
Азаматтығы	Қазақстан
Ұлты	қазақ
Мансабы	ақын, журналист, аудармашы
Бағыты	Поэзия
Жанры	Лирика
Шығармалардың тілі	қазақ тілі
Марапаттары	Құрмет ордені
Сыйлықтары

Күләш Ділдәқызы Ахметова (1946 жылы 25 сәуірде Қырғызстан Талас ауданы Киров ауылында туған) — ақын, журналист, аудармашы. Қазақстан Республикасының Мемлекеттік сыйлығының лауреаты (2006). Қазақстан Ленин комсомолы сыйлығының лауреаты (1978). Жамбыл облысының құрметті азаматы. Парасат және Құрмет ордендерінің иегері.

Толығырақ

• Күләш Ділдәқызы Ахметова 1946 жылы 25 сәуірде Қырғызстан Талас ауданы Киров ауылында дүниеге келген.
• Жамбыл облысы Талас ауданындағы Үшарал орта мектебін бітірген
• 1961 жылы Жамбыл медициналық училищесін мейірбике мамандығы бойынша бітірген
• 1973 жылы Әл-Фараби атындағы Қазақ ұлттық университетінің журналистика факультетін журналист мамандығы бойынша бітірген
• Үшарал медпунктінде меңгеруші, Талас аудандық «Ленин жолы», 1973-1977 жылдары республикалық «Қазақстан пионері» (қазіргі «Ұлан») газеттерінде әдеби қызметкер, бөлім меңгерушісі, 1977-1980 жылдары «Жалын» баспасының поэзия бөлімінде редактор болды.
• «Сен менің бақытымсың» атты кітабы үшін ақын Қазақстан Жастар одағы сыйлығының лауреаты болды.
• Өлеңдері орыс, украин және түркі халықтарының тілдеріне аударылған, мектеп оқулықтарына енген. Тәуелсіздіктің он жылдығына, Астананың он жылдығына арналған республикалық жазба ақындар мүшәйрасының Бас жүлдегері.

Марапаттары

• 1978 жылы «Сен менің бақытымсың» атты кітабы үшін Қазақстан Ленин комсомолы сыйлығы берілді
• 2006 жылы «Құт» кітабы үшін Қазақстан Республикасының Мемлекеттік сыйлығының лауреаты атанды.
• «Болашақ» поэмасы үшін К.Симонов атындағы халықаралық сыйлықтың иегері
• 2006 жылы - Құрмет ордені
• 2017 жылы - Парасат ордені
• Жамбыл облысының құрметті азаматы
• ҚР көптеген мерекелік медалдарымен және президенттің алғыс хаттарымен марапатталған
• ҚР тұңғыш президенті - елбасы Н.Ә.Назарбаевтың әдебиет саласындағы мемлекеттік және президенттік степендияларының иегері.

Өлеңдері

• Ақ гүлім менің. «Жазушы», 1975
• Сен менің бақытымсың. «Жалын», 1977
• Жапырақ – жаздың жүрегі. «Жалын», 1979
• Мейірім. «Жалын», 1981
• Бұлақтағы жұлдыздар. «Жазушы», 1982
• Жасыл жағалау. «Жалын», 1984
• Возвращение аистов. (орыс тілінде). «Жазушы», 1985
• Арғымақтар даласы. «Жалын», 1987
• Сен жанымда жүрсең. «Жазушы» (1987)
• Наурыз нұры. «Жазушы», 1991
• Күн шыққанда күліп оян. «Ана тілі». 1996
• Бақ. «Атамұра», 2006
• Құт. «Дәуір», 2006
• Махаббат. «Дәуір», 2007
• Жайна Қазақстан, «Салық тәртібі», 2011
• День отрады, «Седьмая верста», 2014
• Бақытты болыңдар, «Қазақпарат», 2014
• Орман. «Фолиант», 2015
• Менің сәулелі сәттерім. «Шығыс ақпарат», 2015
• Ахметова өлеңдері орыс, украин, белорус, өзбек, башқұрт, қырғыз, т.б. тілдерге аударылған.
• А.Ахматова, А.Межиров, Н.Ислам, Э.Межелайтис өлеңдерін қазақ тіліне тәржімалады.
• Азаматтық үнінің айқындығымен, нәзік сыршылдығымен ерекшеленетін Ахметова шығармалары туған елді сүю, адалдық, достық, махаббат сезімдерін арқау етеді. Замандастың көңіл-күйі, жан әлеміндегі құбылыстар, әйел тағдыры — ақынның лирикалық толғаныстарының арқауын құрайды.

Отбасы

• Әкесі - Ахметов Ділдә, марқұм, жұмысшы болып жұмыс істеген
• Анасы - Құдайбергенова Бегзада, марқұм, қызметкерболып жұмыс істеген