Кәрім Қажымқанұлы Мәсімов

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Кәрім Қажымқанұлы Мәсімов
Кәрім Қажымқанұлы Мәсімов
Ту
9 - Қазақстан Республикасының Премьер-Министрі
7 сәуір 2014
Президент: Нұрсұлтан Назарбаев
Ізашары: Серік Нығметұлы Ахметов
Ту
Президент Әкімшілігінің Басшысы
24 қыркүйек 2012 — 2014
Ізашары: Аслан Есболайұлы Мусин
Ізбасары: Нұрлан Нығматуллин
Ту
7-ші Қазақстан премьер-министрі
10 қаңтар 2007 — 24 қыркүйек 2012
Ізашары: Даниал Ахметов
Ізбасары: Серік Ахметов
Ту
Қазақстан Республикасы бюджет және экономика жоспарлау министрі
20 сәуір — қазан 2006
Премьер-Министр: Даниал Ахметов
Ізашары: Қайрат Келімбетов
Ізбасары: Аслан Мусин
Ту
Қазақстан Республикасы көлік және коммуникация министрі
2000 — 2001
Премьер-Министр: Қасым-Жомарт Тоқаев
Ізашары: Бүркітбаев Серік
Ізбасары: Абылай Мырзахметов
 
Партиясы: Нұр Отан
Білімі: Патрис Лумумба атындағы Халықтар достығы университеті (1988), Пекин мәдениет және тілдер университеті (1988-89), Ухань университеті (1988-91), Қазақ мемлекеттік басқару академиясы (1992-1995), Колумбия университеті (1999).
Ғылыми дәрежесі: Экономика ғылымдарының докторы
Мамандығы: Заңгер, экономист
Дүниеге келуі: 15 маусым 1965(1965-06-15) (49 жас)
Астана,  Қазақ КСР
Әкесі: Қажымқан Қасымұлы Мәсімов
Жұбайы: Мәсімова Дилярам Азатқызы
Балалары: 3 баласы бар
 
Сайты: www.akorda.kz
 
Марапаттары:

Қазақстан Республикасының Тұңғыш Президенті Нұрсұлтан Назарбаев ордені Қазақстан Республикасының Тұңғыш Президенті Нұрсұлтан Назарбаев ордені
Қазақстан Республикасының тәуелсіздігіне 20 жыл Қазақстан Республикасының тәуелсіздігіне 20 жыл
Құрмет ордені Құрмет ордені

Мәсімов Кәрім Қажымқанұлы2012 жылдың 24 қыркүйегінен бастап Президент Әкімшілігінің басшысы, Қазақстан Республикасысының Премьер-Министрі (2007 - 2012), мемлекет қайраткері. Мамандығы бойынша қаржыгер, заңгер, қытайтанушы, экономика ғылымдарының докторы.

Өмірбаяны

Кәрім Қажымқанұлы Мәсімов - 1965 жылы маусымның 15 күні Қазақстанның Целиноград қаласында дүниеге келген. Әкесі - Қажымқан Қасымұлы Мәсімов [1]. Анасы - Элеонора (Ажибекова) Кәрімқызы Масимова [2].

Білімі

1982 жылы Алматы қаласындағы Республикалық физика-математика мектебін үздік бітірді. 1985 жылы Мәскеу қаласындағы П.Лумумба атындағы Халықтар Достығы университетінде араб филологиясы бойынша білім алды.

1988 жылы Пекиндегі Тіл білімі институтында оқыған. 1991 жылы Қытайдағы Ухань заң университетін, 1995 жылы Қазақ мемлекеттік Басқару академиясын бітірген.

1999 жылы Колумбия университетінде (Нью-Йорк) топ-менеджерлер даярлау бағдарламасынан өткен.

Орыс, қазақ, Ағылшын, қытай, араб тілдерін меңгерген.

Қызмет жолы

1991 жылы - Қытай Халық Республикасындағы КСРО Сауда өкілдігінің құқықтық мәселелер бойынша кеңесші.

1991 жылы ҚР Еңбек министрлігінде сыртқы экономикалық байланыс бөлімінің бастығы, Бас экономист.

1992 жылы «Қазақпригранторг» фирмасының басшысы, Үрімші (Қытай) қаласындағы «Қазақинторг» өкілдігінде жетекші маман, директор орынбасары.

1993 жылы «Акцепт» ЖШС басшысының ішкі экономикалық мәселелер жөніндегі директор орынбасары қызметін атқарады.

1994 жылы Гонконг қаласындағы Қазақ сауда үйінің басқарушы директоры.

1995 жылы «Алматы сауда-финанс банкі» ЖАҚ Басқармасының бастығы,

1996 жылдың қыркүйек айынан «ТұранӘлембанк» Басқармасы бастығының міндетін орындаушы,

1997 жылдың тамыз айынан бастап «Қазақстан Халық жинақ банкі» ААҚ Басқармасы бастығының 1-орынбасары, қыркүйек айынан бастап бастығы,

2000 жылдың тамыз айынан ҚР Транспорт және коммуникация министрі,

2001 жылдың қарашасынан ҚР Премьер-Министрінің орынбасары,

2002 жылдың шілдесінен ҚР Президентінің көмекшісі,

2006 – 07 жылдары ҚР Премьер-Министрінің орынбасары қызметтерін атқарған.

2007 ж. қантардың 10-ында Қазақстан Республикасының Президенті жарлығыменен Қазақстан премьер-министрі болып тағайындалады.[3]

2011 жылдың 2 қарашасында Кәрім Мәсімов "Қазақша Википедиа" жобасын өз қамқорлығына алатынын хабарлады.[4]

2012 жылдың 24 қыркүйек күні Кәрім Мәсімов Үкімет басшысы ретінде жұмыстан кететіндігі туралы арызын берді. Президент Н.Назарбаев өтінішті қабылдады [5]. Сол күні М.Мәсімов Президент Әкімшілігінің Басшысы ретінде тағайындалды.[6]

Марапаттары

Отбасы

Жұбайы - Мәсімова (Машұрова) Дилярам Азатқызы. 3 баланың әкесі [8]

Дереккөздер

  1. Масимов Карим Кажимканович (персональная справка)
  2. Мама премьера Казахстана К.Масимова до сих пор работает экскурсоводом в Железнодорожном музее
  3. Қазақстан бизнес - кітабы. Қаржы. – Алматы, ЖШС “Алматы баспа үйі,” 2006 ISBN 9965-9865-5-X
  4. Wikibilim project obtained PM’s support
  5. Қазақстан Республикасының Президенті Нұрсұлтан Назарбаевтың Қазақстан Республикасының Премьер-Министрі К.Қ.Мәсімовтің орнынан түсуі туралы Жарлығы 24.09.2012
  6. Қазақстан Республикасының Президенті Нұрсұлтан Назарбаевтың К.Қ.Мәсімовті Қазақстан Республикасы Президенті Әкімшілігінің Басшысы қызметіне тағайындау туралы Жарлығы, 24.09.2012
  7. «Ақмола облысы» энциклопедиясы
  8. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

Сыртқы сілтемелер