Көкнәрлер тұқымдасы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Damavand-Poppies.jpg

Көкнәрлер тұқымдасы(Papaverales) – қос жарнақты, шөптесін өсімдіктер, кейде бұта немесе аласа ағаштар. Бұлар негізінен Солтүстік жарты шардың қоңыржай және субтропиктік белдеулерінде, сондай-ақ оңтүстік және тропиктік Африкада, Шығыс Австралияда, Арктикада кездеседі. Жер шарында Көкнәрлер тұқымдасының 45 туысқа бірігетін 700-дей түрі, ал Қазақстанда 7 туысының (гипекоум, сүйелшөп, мүйіз көкнәр, қызылтаңдай, көкнәр, айдаршөп, көгілдір) 44 түрі бар. Көкнәрлер тұқымдасының көпшілік түрінің құрамында сүтті шырынға толы секреторлық каналдары болады. Жапырағы кезектесіп орналасқан, екі тостағанша жапырақшасы, төрт желекті күлтесі, 2 – 4 аталығы, 1 аналығы бар. Ірі гүлдері айқын түсті, 2 не 3 бөлімнен тұрады, қос жынысты, олар дара немесе шашақ гүлшоғырын құрайды. Жәндіктермен, кейде жел арқылы, ал кейбір түрлері өздігінен де тозаңданады. Жемісі – қауашақ, дәні ұсақ, қара түсті. Көкнәрлер тұқымдасына жататын өсімдіктердің құрамында алкалоид болады, оны медицинада қолданады. Көкнәр, мүйіз көкнәр және Мексика аргемонының тұқымынан техникалық май алынады. Көкнәрлер тұқымдасының көптеген түрлері гүлдері әдемі болғандықтан сәндік үшін де өсіріледі.

[1]

Пайдаланылған әдебиеттер[өңдеу]

  1. Қазақ Энциклопедиясы