Көптісті жертесер (лат. Suncus etruscus) – жертесертәрізділер отряды, жертесерлер тұқымдасына жататын кішкентай аң. Оңт. Еуропада, Арабия түбегінде, Орт. Азияда, Үндістанда, Малай архипелагында, Шығыс және Оңт. Африкада тараған. Қазақстанда Үстіртте және Арал т-нің солт-нде кездеседі. Дене тұрқы 3,5 – 4,5 см (басы мен құйрығын қосып есептегенде). Бас сүйегінің ұз. 10 – 13 мм, салмағы орта есеппен 1,5 г-дай. Негізінен тіршілігі түнде белсенді. Әр түрлі омыртқасыздармен (жәндіктермен, олардың дернәсілімен, жауын құртымен, т.б.), сондай-ақ ұсақ омыртқалылармен (бақалармен, кесірткелермен, тышқандармен) қоректенеді. Тәуліктік қорегінің мөлшері өз салмағынан 1,5 – 2 есеге артық болады. Арнайы ін қазбайды, басқа кемірушілердің бос інін пайдаланады. Оңт. аймақтарда жыл бойына бірнеше рет көбейеді. Әр жолы 2 – 5-тен балалайды, алғашқы кезде балалары әлсіз, соқыр болады. Бірақ тез өседі, 3 – 4 аптада балалары ересек аңға айналады. К. ж-дің жылдан-жылға таралу аймағының азаюына байланысты қорғауға алынып, Қазақстанның «Қызыл кітабына» енгізілген.
[өңдеу] Пайдаланған әдебиет
- ↑ Үлгі:MSW3 Hutterer direct link
- ↑ Aulagnier, S.; Hutterer, R.; Jenkins, P.; Bukhnikashvili, A.; Kryštufek, B.; and Kock, D. Suncus etruscus. IUCN Red List of Threatened Species. Version 2010.3. International Union for Conservation of Nature (2008). Тексерілді, 25 қазан 2010.
