Көпір, желіаралық байланыс құрылғысы

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Көпір, желіаралық байланыс құрылғысы (Мост, устройство межсетевой связи; bridge) — бірнеше жергілікті желілерді немесе бір желіге кіретін, бірақ әр түрлі хаттама түрлерін пайдаланатын бірнеше сегменттерді біріктіретін құрылғы. Ол бір орталықтан басқару арқылы бір логикалық желі ұйымдастырады. Көпірлер бірдей хаттамалы екі желіні байланыстыру үшін қолданылады. Әдетте, физикалық желіде сегменттер ұзындығы мен түйіндер санына шектеу I қойылады. Физикалық сегменттерді I қайталауыштар арқылы бір-бірімен жалғастыруға болады. Бірақ қосылатын сегменттер саны шекгеулі (мыс., Ethernet желісінде оның саны 5тен аспауы керек). Осылайша қосылған физикалық сегменттер бір логикалық сегмент құрайды. Ал көпір осындай бірнеше логикалық сегменттерді біріктіруге мүмкіндік береді де, жоғарыда аталған шектеулер алынады. Олар әр түрлі хаттамасы бар және әр түрлі жабдықталған есептеу желілерін де коса алады. Бірақ тасымалданатын хабарға ешқандай түрлендіру жасамайды. Көпірдің міндеті — екі желідегі осы көпір арқылы өтетін мәліметтер дестесіне талдау жасау. Желі ішіндегі компьютерлерге бағытталған дестелерге тимейді, ал қалғандарын басқа желіге бұрып жібереді.[1]

Пайдаланған әдебиет[өңдеу]

  1. Қазақ тілі терминдерінің салалық ғылыми түсіндірме сөздігі:Информатика және компьютерлік техника/ Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайынов. – Алматы: «Мектеп» баспасы» ЖАҚ, 2002. – 456 бет. ISBN 5-7667-8284-5

Сілтемелер:[өңдеу]