Лев Яковлевич Карпов

Уикипедия — ашық энциклопедиясынан алынған мәлімет
Навигацияға өту Іздеуге өту

Лев Яковлевич Карпов (1879 жыл 18 сәуір, Киев - 1921 жыл 6 қаңтар, Мәскеу) - кеңес химия өнеркәсібін ұйымдастырушылардың бірі, Ресейдегі революциялық қозғалысқа белсене қатысушы. 1897 жылдан Коммунистік партия мүшесі.

Өмірбаяны[өңдеу | қайнарын өңдеу]

1910 жылы Мәскеу жоғары техникалық училищесін бітірген. Воронежде «Солтүстік жұмысшы одағын» ұйымдастыруға қатысты. 1903 жылы РКДЖП ОК-нің тапсыруымен оның Шығыс бюросын (Самарра), 1904 жылы Оңтүстік бюросын (Киев) басқарды. Полтавада астыртын баспахана ұйымдастырды. «Алға» газетін құрушылардың бірі (1904). Мәскеудегі Қанды жексенбі (1905)-ке қатысты. 1906-1907 жылдары РКДЖП ОК-нің хатшысы. 1911-1915 жылдары Ресейде скипидарлы-канифоль өндірісін ұйымдастырумен шұғылданды. Алғаш рет хлороформ және сұйық хлордың отандық өндірісін қалыпқа келтірді. Бүкіл одақтық халық шаруашылығы кеңестік президиумының мүшесі.

Қызыл алаңдағы Кремльдің іргесіне жерленген.[1]

Дереккөздер[өңдеу | қайнарын өңдеу]

  1. Қазақ Совет Энциклопедиясы, Алматы, 1974 ж., 5 том