Ленбай Нұртілеуұлы Салпынов
Ленбай Нұртілеуұлы Салпынов (12.03.1948 жылы Алматы облысы Көксу ауданы бұрынғы Большевик ауылында туған) – ғалым, медицина ғылымдарының докторы (1996).
1972 жылы Алматы мемлекеттік медициналық институтын бітірген. Еңбек жолын 1972 жылы Кәлпе учаскелік ауруханасында балалар дәрігері ретінде бастады. 1976-78 жылдары А. Сызғанов атындағы Клиникалық және эксперименталды хирургия институтында, 1986-94 жылдары Педиатрия және балалар хирургиясы институтында, 1994-2002 жылдары «Медстандарт» мемлекеттік ғылыми-практикалық орталықта және «Дәрі–дәрмек» республикалық мемлекеттік қазыналық кәсіпорнында әр түрлі жауапты жұмыстар атқарды. 2002 жылдан Ақмола медициналық академиясының профессоры, жалпы гигиена және медициналық экология курсының меңгерушісі. 60-тан аса ғылыми еңбегі мен бірнеше әдістемелік кітаптары жарияланған.[1]
Дереккөздер[өңдеу | қайнарын өңдеу]
- ↑ Жетісу, Энциклопедия. – Алматы: «Арыс» баспасы, 2004. ISBN 9965-17-134-3