Лэнс Армстроң

Lance Armstrong

NIH-lancearm2.jpg
Жеке мағлұматы
Толық есімі	Lance Edward Armstrong
Басқа аттары	The Boss, Tour de Lance, Mellow Johnny (from Maillot Jaune, French for Yellow jersey)[1]
Туған күні	қыркүйек 18, 1971 (1971-09-18)
Елі	АҚШ
Бойы	Үлгі:Height
Салмағы	1993: 79 kg ( lb) 1999: 74 kg ( lb)
Тобы туралы
Ағымдағы тобы	Astana
Спорт түрі	Road
Қызметі	Rider
Rider type	All - rounder
Әуесқой топ(тар)ы
1990–1991 1991	Subaru-Montgomery US National Team
Кәсіби топ(тар)ы
1992–1996 1997 1998–2005 2009–	Motorola Cofidis U.S. Postal / Discovery Channel Astana
Басты жеңістері
Tour de France (1999–2005), 22 stages Үлгі:FlagiconUCI World Cycling Champion (1993) US National Cycling Champion (1993) Clásica de San Sebastián (1995) La Flèche Wallonne (1996) Tour de Suisse (2001) Critérium du Dauphiné Libéré (2002, 2003)
Соңғы өзгертілген уақыты:
July 26, 2008

Медальдар
Competitor for АҚШ
Men's Cycling
World Championships
Gold	1993 Oslo	Elite Men's Road Race
Olympic Games
Bronze	2000 Sydney	Men's Time Trial

Лэнс Армстронг (Lance Armstrong)(18 қыркүйек, 1971 ж.) — америкалық кәсіпқой велошабандоз. Әлемдегі ең танымал көпкүндік Le Tour de France жарысының жеті дүркін жеңімпазы (1999, 2000, 2001, 2002, 2003 және 2004 жылдары Us Postal командасында, ал 2005 жылы Discovery Channel сапында жеңген). 2008 жылдың 9-шы қыркүйегінде Армстроң үлген спортқа қайта келгісі келетінін мәлімдеді, оның қайта оралуы Калифорния турынан басталмақшы. 2009 жылғы маусымнан бастап ол қазақ Астана велоклубы намысын қорғайды.

Спортттық мансабы

1971 жылы Техас штатының Плано қаласында туған Лэнс 18 жасында АҚШ-тың ұлттық құрама командасына қабылданды. Барселона Олимпиадасында 14-орын алғаннан кейін оған кәсіпқой велоклуб басшыларының назары ауды. 1992 жылы Армстронг әйгілі «Моторола» клубымен келісімшарт жасасты. Кейіннен «Кофидиске» ауысты. Ол бір жылдың ішінде тоғыз бірдей жарыста топ жарып, күллі әлем назарын өзіне аударды. Көз тиді ме екен, әлде күтімі кем болды ма, әйтеуір, нағыз атой салар шағында Армстронг қатерлі ісік дертіне шалдықты. Көпшілік оның спорттық карьерасы аяқталды деп есептеді. Лэнс бірер жыл ауруханалардың табалдырығын тоздырып, ем-дом алды. Біраз уақыт спорттан қол үзуіне тура келді. Дәл сол тұста «Кофидистің» басшылары Армстронгпен келісімшартты үзіп, спортшыға тиесілі 2 миллион долларды жымқырып қалды. Алайда бұл жағдайлардың ешқайсысы қайсар жігіттің сағын сындыра алмады. Керісінше, ол қайраттана, жігерлене түсті.
Дертінен айыққаннан кейін Армстронг велосипедін қайта тізгіндеп, жарыс жолына шықты. Сол кезден бері ол «Гран-при Атланта», әлем чемпионаты, «Сан-Себастьян Классика», «Флеш Валлон», «Тур де Люксембург», «Гран-при Эдди Меркс», «Гран-при де Насьон», «Швейцария Туры», «Дофине Либре», «Гран-при Миди Либре» сынды көптеген халықаралық жарыстарда топ жарды. Ал Лэнстің ең ірі жеңісі – 1999 және 2005 жылдар аралығында «Тур де Франс» көпкүндігінде қатарынан жеті мәрте жеңімпаз атануы. Дәл осындай табысқа бұрын-соңды адам баласы қол жеткізіп көрмеген-ді.
Білетіндер атақ-даңқ Лэнсті еш өзгертпеген деседі. Ол «жұлдызбын!» деп ешуақытта кеуде қаққан емес. Керісінше, қарапайым қалпынан айнымай, күні түскен адамға қамқор қолын созудан бас тартпады. Бір ғана мысал: Жыл сайын жер бетінде 6 миллион адам қатерлі ісік ауруынан қаза табады екен. Ажал тырнағынан аман қалғандары тым сирек. Міне, соларға арнап, Армстронг арнайы қор құрды. Әйгілі велошабандоз – сол қордың басқарма мүшесі, басты демеушілерінің бірі.
Осыдан бірер жыл бұрын спорттан қол үзген Лэнс Армстронг қайта оралды. Көп ойлана, толғана келе, ол өзгенің емес, әлемдегі ең белді клубтың бірі – «Астананы» таңдап алды.