Марилер

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Марилер

Марилер, мари,марий, черемистерРесей Федерациясының құрамындағы Мари Республикасының (Марий Эл) негізгі тұрғындары. Татарстанда, Удмуртияда, Башқұртстанда, Свердловск, Пермь облыстарында тұрады. Жалпы саны 624 мың адам (2003). Оның ішінде 310 мыңы Мари Республикасында тұрады. Орал тілдік шоғырының фин-угор тобындағы мари тілінде сөйлейді. Жазуы орыс әліпбиі негізінде. Христиан дінінің православие тармағын ұстанады. Мари этносы б.з. 1-мыңжылдығында Еділ өзені және Вятка өзендері аралығын мекендеген фин-угор тайпалары негізінде қалыптасқан.

Алғаш рет хазар жазба деректерінде цер-мис (чермистер) деген атпен кездеседі.
10 — 12 ғ-ларда Еділ бұлғарларының, 13 ғ-дың 1-жартысынан Алтын Орданың қол астына қарады.1551 — 52 ж. Ресейге бағынды. 1920 ж. РКФСР құрамында автономиялы облысқа айналды. 1990 жылдан РФ құрамындағы Марий Эл Республикасы атанды. Орыс халқының дәстүрлі үйлеріне ұқсас қоражайлар салып, бау-бақша өсіреді. Негізгі шаруашылығы - егіншілік, арпа, сұлы, жарма, кендір өсіреді. Қосалқы шаруашылықтары — ірі қара және қой өсіру, аңшылық, орман шаруашылығы (орман ағаштарын күту, шабу, т.б.) омарташылық, балық аулау, т.б. [1]

Дереккөздер[өңдеу]

  1. Қазақ Энциклопедиясы, 6 том