Марина
Марина (итал., лат., франц. — теңіз көрінісі) — теңіз көрінісі бейнеленген көркемсурет туындысы, пейзаж жанрының саласы. Алғашқыда теңізге батып кеткен әскери кемелер құрылымын қағазға қайта түсіру үшін пайда болып, теңіз бейнесін оған қосымша безендіру құралы ретінде пайдаланған. Кейіннен теңіздегі тарихи оқиғаларды бейнелеу арқылы үлкен сұранысқа ие болып, Еуропа бейнелеу өнерінде дара жанр ретінде қалыптасты. 17 ғ-да Голландияда кескіндеме және графика саласында маринистер (Я.Порселлис, С.де Влигер, Х.Сегерс, Я Ван де Велде) шығармаларында теңіздің қатал тылсым табиғатын, тұрмыс тіршілігі теңізбен байланысты балықшылар өмірін шыншылдықпен бейнеледі. 18 — 19 ғ-ларда Францияда — К.Ж. Верне, Жапонияда — Кацусика Хокусай, Англияда — У.Тернер, Голландияда Х.В. Месдон, Ресейде — И.К.Айвазовский мен А.П. Боголюбов сияқты әйгілі маринистер шықты. Ә. Төлебиев, М. Дербісова
Пайдаланылған әдебиеттер [өңдеу]
"Қазақ Энциклопедиясы", 6 том
Сілтемелер [өңдеу]
- ↑ Қазақ Энциклопедиясы
 |
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
 |
Бұл мақаланы Уикипедия сапа талаптарына лайықты болуы үшін уикилендіру қажет.
Мақаланы безендіру нұсқаулығына сәйкес көркемдеңіз.
|
