Марио Балотелли

Уикипедия — ашық энциклопедиясынан алынған мәлімет
Навигацияға өту Іздеуге өту
Марио Балотелли Футбол
Марио Балотелли
Жалпы мағлұмат
Толық аты

Марио Барвуа Балотелли

Туған күні

12 тамыз 1990 (1990-08-12) (33 жас)

Туған жері

Палермо, Италия

Азаматтығы

Италия Италия

Бойы

189[1]

Салмағы

88[1]

Позиция

шабуылшы

Клуб жайлы ақпарат
Клуб

Англия Милан

Номері

45

Клуб карьерасы[* 1]
2006—2007 Италия Лумеццане 2 (0)
2007—2010 Италия Интернационале 58 (20)
2010—2013 Италия Манчестер Сити 54 (20)
2013—2014 Италия Милан 43 (26)
2014—2016 Англия Ливерпуль 16 (1)
2015—2016  Италия Милан 20 (1)
2016—2018 Франция Ницца 61 (33)
2019 Франция Олимпик Марсель 15 (8)
2019— Италия Брешиа 19 (5)
Ұлттық құрамы[* 2]
2008—2010 Италия Италия (21 дейін) 16 (6)
2010—2019 Италия Италия 36 (14)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Марио Барвуа Балотелли (итал. Mario Barwuah Balotelli; 12 тамыз 1990 жыл, Палермо, Италия) - италиялық футболшы, «Брешиа» командасының және Италия құрама-командасының шабуылшысы.

Өмірбаяны[өңдеу | қайнарын өңдеу]

Марионың ата-анасы Италияға қоныстанған тоголықтар. Бала кезінде аурушаң болып, оны емдетуге ата-анасының шамасы келмей, басқа отбасына тапсырады. Жаңа отбасы Марионы емдетіп, адам қатарына қосады, өсіріп жетілдіреді. Кейін Марио атақты футболшы бола бастағанда ағалары мен туыстары іздеп келеді, бірақ Марио "Олар туысым болса осы күнге дейін қайда жүр? Менің атағым шыққасын ғана іздеп жатыр, қарапайым күйде қала берсем іздемес еді" деп олардан бас тартады.

Кәсіпқой карьерасын 2007 жылы "Интернационале" сапында бастады. Сол жылы 16 желтоқсанда Италия А сериясындағы тұңғыш ойынын "Кальяриге" қарсы өткізді. Кейін клубқа бапкер боп Жозе Моуриньо келген соң Горан Пандевпен ойын практикасын бөлісуге тура келді, Жозе әлі тәжірибесі аздау Марионы алаңға онша көп шығара бермеді.

2009/10 жылғы табысты маусымнан соң ("Интер" осы маусымда Италия чемпионы, кубок иегері, Чемпиондар лигасының жеңімпазы атанды) клубтан Моуриньо кетті де, жаңа келген Рафаэль Бенитес Марионы керексінбеді, сол жылы тамыз айында "Манчестер Ситиге" ауысты. 19 тамызда жаңа клубы сапындағы тұңғыш ойынын УЕФА Еуропа лигасының іріктеуінде "Тимишоараға" қарсы өткізді. Бұл ойында жарақат алды да, қазан айында ғана қатарға қосылды.

3 желтоқсан күні клубтастарының бірімен келіспей, ерегісіп қалды. Бұл тәртіпсіздігін кейінгі маусымда матч барысында да көрсетіп, 2011/12 жылғы маусымда төрт рет алаңнан қуылды. Ақыр соңында клубтың бапкері Роберто Манчинидің төзімі таусылып, Марионы мүлде алаңға шығармай қойды. Тек премьер лигадағы соңғы турда "Куинз Парк Рейнджерске" қарсы ойында алаңға шығып, Серхио Агуэроға нәтижелі пас шығарды, осы голынан соң "қалалықтар" 1968 жылдан бері бірінші рет Англия чемпионы атанды.

Келесі маусымда тәртібі бұдан да қиындап кетті де, клуб басшылығы оған ақшалай айыппұл салуға дейін барды. 2013 қаңтарда клубтан кетіп тынды.

2013 жылы қаңтарда Италияға, Миланға оралды, бірақ "Интерге" емес, "Миланның" сапына қосылды. Трансфері 20 млн еуроны құрады. Жаңа клубтағы қадамы сәтті басталды, алғашқы 6 ойында 7 гол соқты!

2013/14 жылғы маусым қорытынсында "Милан" еурокубоктерге жолдама ала алмады да, Балотелли енді "Ливерпульге" ауысты. Англиялық клуб оны 16 млн фунт-стерлингке сатып алды. "Ливерульде" бір маусым ойнады, негізгі құрамға ілігу қиындап кеткен соң, 2015 жылы жазда "Миланға" жалға берілді. 2015/16 жылғы маусымда 20 кездесуде алаңға шығып, бір гол ғана соқты.

2016 жылы "Ниццаға" ауысып, екі маусым ойнады. 2018 жылы қыркүйекте салмағы ауырлап кеткен футболшы негізгі құрамнан алынып тасталды (189 метр бойы бар Балотеллидің салмағы 100 келіден асып кеткен еді, бұл мөлшерден 12 келі артық. Балотелли клубтан кеткісі келгенімен, басқа клубтардан ұсыныс түсе қоймады да, клубта қалды.

2019 жылы қыста "Олимпик Марсельге" ауысты. Алты айдан соң Италияға оралып, "Брешиаға" өтті.

Ұлттық құрамы[өңдеу | қайнарын өңдеу]

2007 жылы Гана Футбол федерациясынан Гана құрамасында ойнауға шақырту келді, бірақ бас тартты.

2008 жылы Италия азаматтығын алды да, 2010 жылы тамыз айында Италия құрамасы сапындағы тұңғыш ойынын өткізді. 2012 жылы Еуропа чемпионатына, 2013 жылы Конфедерациялар кубогына, 2014 жылы әлем чемпионатына қатысты. Кейінгі жылдары тәртібі қиын футболшы құрамаға мүлде шақырылмай қойды. Тек 2018 жылы екі рет жолдастық кездесуде, бір УЕФА Ұлттар лигасында ойнады.

Жетістіктері[өңдеу | қайнарын өңдеу]

Командалық[өңдеу | қайнарын өңдеу]

«Интернационале»

  • Италия чемпионы: 2007/08, 2008/09, 2009/10
  • Италия кубогы: 2009/10
  • Италия суперкубогы: 2008
  • УЕФА чемпиондар лигасы: 2009/10

«Манчестер Сити»

  • Англия чемпионы: 2011/12
  • Англия кубогы: 2010/11
  • Англия суперкубогы: 2012

Италия

  • Еуропа чемпионатының финалисі: 2012

Жеке[өңдеу | қайнарын өңдеу]

  • Италия кубогының үздік мергені: 2008 (4 гол)
  • Golden Boy жүлдесі: 2010
  • ЕУРО-2012 символикалық құрамы
  • Италия құрамасының Еуропа чемпионаттарындағы үздік мергені: 3 гол

Жеке өмірі[өңдеу | қайнарын өңдеу]

2011-2012 жыл аралығында Раффаэлло Фико деген Италия моделімен кездесіп жүрді. 2012 шілдеде жылы ол қыз өзінің жүкті екенін жариялады. 2012 жылы 5 желтоқсанда қыз туып, оның атын Пия деп қойды. Бірақ Балотелли қыздың әкесі екенін мойындамады.

2014 жылы 5 ақпанда өзінің не істеп жүргенін twitter-де хабарлады. 2013 жылы мамыр айынан бастап, Марио Фанни Негуеша деген қызбен жүрген екен.

Дереккөздер[өңдеу | қайнарын өңдеу]

  1. a b Mario Balotelli  (ағыл.). AC Milan. Тексерілді, 3 желтоқсан 2013.

Сыртқы сілтемелер[өңдеу | қайнарын өңдеу]