Машақайтөбе

Машақайтөбе — ортағасырлық қоныс. Жамбыл облысы Жамбыл ауданы Тастөбе ауылынан солт.-шығысқа қарай 3 км жерде орналасқан. 1936 ж. КСРО ұА қазақ бөлімшесі мен ММТИ экспед. (жетек. А.Н. Бернштам), 1978 ж. Жамбыл облысы тарихи-өлкетану мұражайының экспед., 1986 ж. Ш.Уәлиханов атынд. ТАЭИ-дың тарихи және мәдени ескерткіштері жинағының археол. экспед. (жетек. К.Байпақов, Қаратаев) зертеген. Қоныстың табанының ұзындығы 73 м, биікт. 5 — 5,5 м. Үстіндегі алаңның ауданы 30 32 м. Жоғ. қабатындағы зират қабірлерінен шығарылған топырақ арасынан құмыра тәрізді сыры жоқ қыш ыдыстардың сынақтары кездеседі. Табылған заттарға қарағанда М. қонысын халық 7— 8 ғ-ларда мекен еткен.