Мақсат Нұрдәулетұлы Мұқанов

Мақсат Нұрдәулетұлы Мұқанов

1967 жылы 8 ақпанда Алматы қаласында туған. Қазақ.

Абай атындағы Қазақ ұлттық педагогикалық университетін (1991), тарих оқытушысы, қоғамтанушы; ҚР Президенті жанындағы Ұлттық мемлекеттік басқару жоғары мектебін (1997) «Мемлекеттік басқару» мамандықтары бойынша бітірген.

«Нұр Отан» ХДП мүшесі (2007 жылдан).

1991 жылдан - Алматы облысы Қаскелең ауданы Райымбек ауылы ОМ мұғалімі. 1993 жылдан - ҚР сыртқы экономикалық байланыстар министрі және ҚР өнеркәсіп және сауда министрінің сарапшысы, бас маманы, министрдің көмекшісі. 1997 жылдан - ҚР Стратегиялық жоспарлау және реформалар агенттігінің бас маманы, бөлім бастығы, басқарма бастығының орынбасары. 1999 жылдан - ҚР Қауіпсіздік кеңесі Талдау орталығының сектор меңгерушісі, орталық меңгерушісінің орынбасары. 2002 жылдан - ҚР Экономика және бюджеттік жоспарлау министрлігі «Экономикалық зерттеулер институты» РМК бас директорының орынбасары, бірінші орынбасары. 2003 жылдан - ҚР Президенті Әкімшілігі әлеуметтік-экономикалық талдау бөлімі меңгерушісінің орынбасары, меңгерушісі. 2006 жылдан - «Қазына» тұрақты даму қоры» АҚ басқармасы төрағасының орынбасары, басқарушы директоры - корпоративтік хатшысы. 2008 жылдың ақпан айынан бері - Қазақстан Республикасы Президентінің Әкімшілігі Стратегиялық зерттемелер және талдаулар орталығының меңгерушісі.

«Құрмет» орденімен (2010), «Астананың 10 жылдығы» медалімен (2008) марапатталған.

Қазақстанның болашағы туралы болжамы - «Халқының жоғары сапалы өмір деңгейі, бәсекеге қабілетті экономикасы және қуатты адам капиталы бар тұрақты да өркенді мемлекет».

Сүйіп оқитын әдебиеті - романтикалық әдебиет, тарихи хикаяттар, фантастика.

Үйленген. Жұбайы - Мұқанова Гүлнара Жанет қызы (1971 жылы туған), ҚР Денсаулық сақтау министрлігі басқармасы бастығының орынбасары. Ұлы - Мұқанов Әміржан Мақсатұлы (1996 жылы туған).